पश्चिम बंगाल विधानसभा निवडणूक; भाजप नेत्यांच्या सुरक्षेत केंद्राकडून वाढ

पश्चिम बंगाल निवडणुकीच्या पार्श्वभूमीवर भाजप नेत्यांच्या सुरक्षेत वाढ करण्यात आली आहे. त्यामध्ये गेल्या २ आठवड्यात तब्बल ३३ व्हीआयपी नेत्यांना केंद्रीय राखीव पोलीस दलाची सुरक्षा प्रदान करण्यात आली आहे. यामध्ये केंद्रीय गृह राज्य मंत्री नित्यानंद राय यांचाही समावेश आहे.

नवी दिल्ली - पश्चिम बंगालच्या विधानसभा निवडणुकीच्या पार्श्वभूमीवर राजकारण तापायला सुरुवात झाली आहे. तसचे जसजश्या निवडणुका जवळ येऊ लागल्या आहेत, तसे राजकीय हिसांचाराच्या घटनांमध्ये देखील वाढ होऊ लागली आहे. यामध्ये गुप्तचर संघटनेने दिलेल्या अहवालात पश्चिम बंगालमध्ये भाजप नेत्यांच्या जीवाला धोका असल्याचे म्हटले आहे. त्यामुळे केंद्रीय गृहमंत्रालयाने येथील नेत्याच्या सुरक्षेत वाढ केली आहे.

पश्चिम बंगाल निवडणुकीच्या पार्श्वभूमीवर भाजप नेत्यांच्या सुरक्षेत वाढ करण्यात आली आहे. त्यामध्ये गेल्या २ आठवड्यात तब्बल ३३ व्हीआयपी नेत्यांना केंद्रीय राखीव पोलीस दलाची सुरक्षा प्रदान करण्यात आली आहे. यामध्ये केंद्रीय गृह राज्य मंत्री नित्यानंद राय यांचाही समावेश आहे.

राय यांना झेड सुरक्षा-

अधिकाऱ्यांनी दिलेल्या माहितीनुसार नित्यानंद राय यांना निवडणुकीच्या प्रचारकाळात त्याच्या सुरक्षेसाठी 8 ते10 सीआरपीएफचे जवान तैनात राहतील. त्याच बरोबर इतर राज्यातही त्यांना सुरक्षा प्रदान करण्यात येणार आहे. केंद्रीय गृहमंत्रालयाकडून प्राप्त यादीमध्ये नित्यानंद राय यांना झेड दर्जाची सुरक्षा देण्यात आली आहे. भाजपने त्यांना पश्चिम बंगालमध्ये निवडणुकीच्या पार्श्वभूमीवर केंद्रीय पर्यवेक्षक म्हणून नियुक्त केले आहे.

एक्स दर्जाची सुरक्षा-

केंद्राकडून सुरक्षा प्रदान करण्यात आलेल्या एक्स दर्जाच्या श्रेणीमध्ये प्रबीर घोषाल, पार्थ चटर्जी, डॉ. रथीन चक्रवर्ती, चंद्रशेखर बॅनर्जी, गौतम रॉय, स्नेहाशिस भौमिक, प्रणब बसू, नित्यानंद चटर्जी, तपन दत्ता, सुभाष सरकार, तापसी मंडल, अशोक कुमार, दीपक हलधर, सुकरा मुंडा, दशरथय यांचा समावेश आहे. तसेच टीएमसी मधून भाजपमध्ये प्रवेश केलेले शुभेंदु अधिकारी आणि राजीव बॅनर्जी यांना देखील सीआरपीएची झेड दर्जाची सुरक्षा कवच प्रदान करण्यात आले आहे.

ब्यूरो ऑफ पोलीस रिसर्च अँड डेव्हलपमेंट (बीपीआर अँड डी) यांनी प्रसिद्ध केलेल्या आकडेवारीनुसार पश्चिम बंगालमध्ये 2019 मध्ये 3,142 व्हीआयपी व्यक्तींना सुरक्षा प्रदान करण्यात आली आहे. जी देशातील इतर राज्यांपेक्षा सर्वाधिक आहे.

पश्चिम बंगाल निवडणुकीत २०० पेक्षा जास्त जागा जिंकण्याचा दावा भाजपाने केला आहे. भाजपाने या विधानसभा निवडणुकीत प्रचारासाठी नेत्यांची मोठी फळीच पश्चिम बंगालमध्ये उतरवली आहे. पंतप्रधान मोदी, अमित शाह हे देखील वारंवार बंगालमध्ये सभांना उपस्थिती लावून राजकीय वातावरण ढवळून काढत आहेत. मात्र, राजकीय रणनितीकार प्रशांत किशोर यांनी पश्चिम बंगालमध्ये भाजप १०० च्या पुढे जागा जिंकणार नसल्याचे भाकित केले आहे.