नवी दिल्ली : भारतीय ऑलिम्पिक संघटनेच्या अध्यक्षा आणि राज्यसभा खासदार पीटी उषा यांनी आज बुधवार जंतरमंतरवर आंदोलन करणाऱ्या कुस्तीपटूंना भेटल्या. यादरम्यान त्यांनी विनेश फोगट, साक्षी मलिक आणि बजरंग पुनिया यांची भेट घेतली. 23 एप्रिलपासून कुस्तीगीर संघटनेचे अध्यक्ष ब्रिजभूषण शरण सिंह यांच्या विरोधात कुस्तीपटूंने जंतर-मंतरवर आंदोलन सुरू आहे. या कुस्तीपटुंनी भाजप खासदार ब्रिजभूषण यांच्यावर लैंगिक छळाचा आरोप करत त्यांना अटक करण्याची मागणी केली आहे.
याठिकाणी पीटी उषा यांच्या विरोधात जोरदार निदर्शने : पैलवानांना भेटण्यासाठी पीटी उषा जंतरमंतरवर आल्या होत्या. पीटी उषा यांनी सुमारे ४० ते ४५ मिनिटे कुस्तीगीरांशी संवाद साधला. पीटी उषा मीडियाच्या प्रश्नांची उत्तरे न देता निघून गेल्या. अनेकवेळा प्रसारमाध्यमांनी त्यांना या संभाषणाबद्दल प्रश्न केला. तुमचा त्यांच्याशी काय संवाद झाला असे प्रश्न विचारले. मात्र, त्यांनी त्याला काहीही उत्तरे दिले नाहीत. या संपूर्ण प्रकरणावर त्यांनी मौन बाळगले. दुसरीकडे, जंतरमंतरवर उपस्थित लोकांनी पीटी उषा यांच्या विरोधात घोषणाबाजी केली. कुस्तीपटूंच्या समर्थनार्थ त्यांनी स्वतः महिला असून, आमच्या मुलींच्या विरोधात विधान कसे केले ते सांगितले. त्यांना लाज कशी वाटत नाही असे म्हणत याठिकाणी पीटी उषा यांच्या विरोधात जोरदार निदर्शने करण्यात आली.
दिल्ली पोलिसांनी ब्रिजभूषण यांच्यावर लैंगिक छळाबाबत गुन्हा दाखल केला : लोक पीटी उषा यांच्यावर चांगलेच नाराज झाले होते. कारण आज पैलवानांच्या निषेधाचा 11 वा दिवस आहे. यापूर्वी त्यांनी एक निवेदनही दिले होते, ज्याबाबत जंतरमंतरवर आंदोलन करणाऱ्या कुस्तीपटूंसोबत उपस्थित असलेल्या लोकांनी विरोध दर्शवला आहे. एवढेच नाही तर एका वृद्धाने पीटी उषा यांच्या गाडीसमोर उभे राहून आमच्या मुलींची कशी बदनामी केली जात आहे, असे सांगितले आणि पीटी उषा स्वत: एक महिला असून त्यांनी एक शब्दही बोलला नाही असेही ते म्हणाले. राष्ट्रीय आणि आंतरराष्ट्रीय स्तरावर देशाला अनेक पदके मिळवून देणारे कुस्तीपटू जंतरमंतरवर निदर्शने करत आहेत. कुस्तीपटू ब्रिजभूषण शरणसिंगच्या अटकेची मागणी करत आहे. यापूर्वी दिल्ली पोलिसांनी ब्रिजभूषण यांच्यावर लैंगिक छळाच्या तक्रारीवरून दोन गुन्हे दाखल केले होते.
हेही वाचा : शरद पवारांच्या राष्ट्रवादीचे अस्तित्व धोक्यात, भाजप नेते दिलीप घोष यांनी वर्तवली 'ही' शक्यता
