Operation Ajay : 'ऑपरेशन अजय' अंतर्गत इस्रायलमध्ये अडकलेल्या भारतीयांना केलं 'एअरलिफ्ट', पहिलं विमान दिल्लीत दाखल

Operation Ajay : इस्रायलमधून आज सकाळी सुमारे 212 लोकांना देशात परत आणण्यात आलंय. मिळालेल्या माहितीनुसार, सुमारे १८ हजार भारतीय इस्रायलमध्ये आहेत. त्यात विद्यार्थ्यांची संख्या मोठी आहे.

नवी दिल्ली Operation Ajay : इस्रायलमध्ये अडकलेल्या भारतीयांना बाहेर काढण्यासाठी भारत सरकारनं 'ऑपरेशन अजय' सुरू केलंय. इस्रायलच्या तेल अवीव विमानतळावरून 212 भारतीयांना घेऊन पहिले चार्टर विमान आज सकाळी भारतात पोहोचलं. दिल्ली विमानतळावर केंद्रीय मंत्री राजीव चंद्रशेखर यांनी इस्रायलहून परतलेल्या भारतीयांचं स्वागत केलं. परराष्ट्र मंत्रालयानं सांगितलं की, आता आमचं भारतीयांना परत आणण्याचं प्राधान्य आहे. त्यानुसार फ्लाइटचं वेळापत्रक केलं जाईल. सध्या यासाठी चार्टर विमानं वापरली जात असली तरी सर्व पर्याय खुले आहेत. गरज पडल्यास भारतीय हवाई दलाची मदत मिळण्याची शक्यता नाकारता येत नाही. यापूर्वीही अशा परिस्थितीत सैन्यदलाची मदत घेण्यात आलीय.

• #WATCH | First flight carrying 212 Indian nationals from Israel, lands at Delhi airport; received by Union Minister Rajeev Chandrasekhar pic.twitter.com/uB71qIBmJy

  — ANI (@ANI) October 13, 2023 " class="align-text-top noRightClick twitterSection" data="

  #WATCH | First flight carrying 212 Indian nationals from Israel, lands at Delhi airport; received by Union Minister Rajeev Chandrasekhar pic.twitter.com/uB71qIBmJy

  — ANI (@ANI) October 13, 2023

  ">

  #WATCH | First flight carrying 212 Indian nationals from Israel, lands at Delhi airport; received by Union Minister Rajeev Chandrasekhar pic.twitter.com/uB71qIBmJy

  — ANI (@ANI) October 13, 2023

परराष्ट्रमंत्र्यांनी ऑपरेशन अजयचा घेतला आढावा : परराष्ट्रमंत्री डॉ. एस. जयशंकर यांनी काल ‘ऑपरेशन अजय’च्या तयारीचा आढावा घेतला. परराष्ट्र मंत्रालयाच्या प्रवक्त्यानं सांगितलं की, सुमारे 18 हजार भारतीय इस्रायलमध्ये आहेत. त्यांनी स्वत:ची नोंदणी भारतीय दूतावासात करावी. सल्ल्यांचं पालन करावं असं त्यांना आवाहन करण्यात आलंय. वेस्ट बँक आणि गाझा या पॅलेस्टिनी प्रदेशात भारतीय नागरिकांच्या उपस्थितीबद्दल परराष्ट्र व्यवहार मंत्रालयाच्या प्रवक्त्यानं सांगितलं की, माझ्या माहितीनुसार काही डझन लोक वेस्ट बँकमध्ये आहेत, तर 3-4 लोक गाझामध्ये आहेत. आत्ता आम्हाला इस्रायलकडून फक्त लोकांना बाहेर काढण्याचे आवाहन करण्यात आले. तेथून एकाही भारतीयाच्या मृत्यूची माहिती आलेली नाही. काहीजण जखमी असून ते रुग्णालयात आहेत.

आम्ही याला दहशतवादी हल्ला म्हणून पाहतो : इस्रायलवरील हमासच्या हल्ल्याबाबत परराष्ट्र मंत्रालयानं आपली बहुप्रतिक्षित भूमिका स्पष्ट केलीय. आम्ही इस्त्रायलवरील हल्ल्याला दहशतवादी हल्ला म्हणून पाहतो, असे परराष्ट्र मंत्रालयानं म्हटलंय. हमासला दहशतवादी संघटना म्हणायचं की नाही, हा कायदेशीर मुद्दा आहे. त्याकडं कायदेशीरदृष्ट्या पाहावं लागेल, असंही परराष्ट्र मंत्रालयानं म्हटलयं.

हेही वाचा :