पाटणा (बिहार) : राजकारणात अनेक वेळा 'नाही'चा अर्थ 'हो' असाही होतो आणि जर कोणी 'नाही' म्हणत नसेल तर त्याचा होकार आहे असे समटजले जाते. असाच प्रकार बुधवारी बिहारच्या राजकारणात पाहायला मिळाला. निमित्त होते तेलंगणाचे मुख्यमंत्री के चंद्रशेखर राव (केसीआर) Telangana CM K Chandrashekhar Rao आणि बिहारचे मुख्यमंत्री नितीश कुमार CM Nitish Kumar यांच्या पत्रकार परिषदेचे. जिथे नितीश कुमारांना पत्रकाराने भावी पंतप्रधान पदाच्या उमेदवाराबद्दल विचारले आणि ते हात जोडून हसत या प्रश्नाला उत्तर देण्याचे टाळले. Nitish Kumar Reaction on future candidate for PM केसीआर म्हणाले, भाजप विरोधी दलांच्या सर्वपक्षीय बैठकीत सर्वानुमते याबाबत निर्णय घेतला जाईल. यानंतर याबद्दल काही बोलणे योग्य ठरेल.
नितीश पुन्हा-पुन्हा उठण्याच्या प्रयत्नात होते: तेलंगणाचे मुख्यमंत्री के चंद्रशेखर राव पत्रकारांच्या प्रश्नांना उत्तरे देत होते, तेव्हा नितीश कुमार यांच्या पंतप्रधानपदाच्या उमेदवारीबाबत वारंवार प्रश्न विचारला जात असताना नितीश कुमार उभे राहिले. तेलंगणाचे मुख्यमंत्री त्यांना बसण्याचा आग्रह करत राहिले. तेलंगणाचे मुख्यमंत्री केसीआर यांच्या विनंतीवरून नितीश अर्थातच पुन्हा बसले असले तरी प्रश्नोत्तरांची प्रक्रिया सुरू असताना पुन्हा एकदा ते उभे राहिले.
