पिलीभीत पुरनपूर शहरातील मोहल्ला करीमगंज गौसिया येथील मशिदीतून शुक्रवारच्या नमाजानंतर मुस्लिमांनी तिरंगा यात्रा muslim tiranga yatra in pilibhit काढली. ही यात्रा शेरपूर रेल्वे क्रॉसिंग स्टेशन रोड, ब्लॉक रोड मार्गे मोहल्ला खानकाह साबरी येथे पोहोचली. येथे मुस्लिमांनी हिंदुस्थान झिंदाबादच्या घोषणा देत देशभक्तीचा संदेश दिला. मुस्लिमांनी एकतेचा संदेश दिला.
तिरंगा यात्रेत भाजपचे आमदार बाबुराम पासवानही सहभागी झाले होते. यावेळी मौलाना हाफिज नूर म्हणाले की, हे आवाहन देशाच्या पंतप्रधानांनी केले आहे. हे पाहता मुस्लिम समाजातील लोकांनी एकत्र येऊन देशाला शांतता आणि एकतेचा संदेश दिला आहे. ते म्हणाले की, स्वातंत्र्याच्या अमृत महोत्सवात देशातील प्रत्येक मुस्लिमाने उत्साहाने सहभागी व्हावे, असे आवाहन मी करू इच्छितो. प्रत्येक देशवासीयांनी मिळून ही मोहीम यशस्वी करूया.
लखनौमध्ये शुक्रवारच्या नमाजपूर्वी इदगाह इमाम मौलाना खालिद रशीद फरंगी महली यांच्या नेतृत्वाखाली दारुल उलूम फिरंगी महल मदरसा येथून शेकडो मुलांनी तिरंगा यात्रा काढली. या यात्रेत अनेक सामाजिक संस्था आणि उलेमाही सहभागी झाले होते. मौलाना खालिद रशीद फिरंगी महली यांनी सांगितले की, शुक्रवारच्या नमाजपूर्वी मदरसा आणि शाहीन अकादमीच्या विद्यार्थ्यांनी मिळून लखनौच्या रस्त्यावर तिरंगा यात्रा काढून देशभक्तीची भावना दाखवली. रशीद म्हणाले की, उद्यापासून ऐशबाग ईदगाह धार्मिक स्थळावर आझादी मेळा आयोजित केला जाणार आहे. यामध्ये सर्व धर्म, जातीचे लोक सहभागी होणार आहेत.
हेही वाचा - Har Ghar Tiranga १५ ऑगस्ट व २६ जानेवारी या दोन्ही दिवशी ध्वजारोहणाचे नियम आहेत वेगळे
