भोपाळ- खरगोनमध्ये रामनवमी मिरवणुकीत झालेल्या हिंसाचारात जखमी झालेल्या शिवम शुक्ला यांची प्रकृती स्थिर आहे. इंदूरच्या सीएचएल अपोलो हॉस्पिटलमध्ये दाखल झालेल्या शिवम यांना व्हेंटिलेटरवर ठेवण्यात आले होते. परंतु परिस्थिती सुधारल्यावर त्यांना व्हेंटिलेटरवरून काढण्यात आले आहे. शिवम यांच्या उपचाराचा संपूर्ण खर्च सरकार उचलणार असल्याचे मुख्यमंत्री शिवराज यांनी सांगितले. शिवम यांच्या पीडित कुटुंबीयांनी राज्य सरकारकडे दंगलखोरांवर कडक ( Khargone Violence update ) कारवाई करण्याची मागणी केली आहे.
शिवम यांच्या उपचाराचा खर्च सरकार उचलणार - मुख्यमंत्री शिवराज सिंह चौहान ( MP CM on Khargone Violence ) म्हणाले की, खरगोन हिंसाचारात जखमी झालेल्या शिवम यांच्या उपचाराचा खर्च ( Khargone Violence Shivam Shukla Injured ) मध्य प्रदेश सरकार उचलणार आहे. इंदूर जिल्हा प्रशासनाला परिस्थितीवर लक्ष ठेवण्यास सांगितले आहे. इंदूरचे जिल्हाधिकारी मनीष सिंह यांनीही याबाबत शिवमच्या डॉक्टरांशी बोलून त्यांची प्रकृती ( khargone riot victims ) जाणून घेतली.
शिवम यांची प्रकृती स्थिर - खरगोनमध्ये रामनवमीच्या वेळी झालेल्या हिंसाचारात शिवम शुक्ला हे दंगलखोरांनी केलेल्या दगडफेकीत जखमी झाले होते. त्यानंतर त्याची प्रकृती खालावली होती. या घटनेनंतर शिवम यांना इंदूरच्या सीएचएल रुग्णालयात दाखल करण्यात आले. तिथे त्यांच्यावर उपचार सुरू आहेत. डॉक्टरांच्या म्हणण्यानुसार, फ्रॅक्चर झाल्यानंतर डोक्याचे हाड मेंदूमध्ये गेले होते. त्यामुळे शिवम बेशुद्ध झाले होते. त्यामुळे सध्या ऑपरेशनद्वारे डोक्यातील गुठळी काढण्यात आली आहे. सध्या शिवम यांची प्रकृती स्थिर असल्याने डॉक्टरांनी त्यांना व्हेंटिलेटरवरून काढले आहे.
राज्य सरकारकडे न्यायाची मागणी - शिवम यांची बिघडलेली प्रकृती पाहता १७ तारखेला होणारा त्यांच्या बहिणीचा विवाहही रद्द करण्यात आला आहे. इंदूरमध्ये शिवम यांचा भाऊ नीलेश जोशी यांनी राज्य सरकारकडे हल्लेखोरांवर कडक कारवाई करण्याची मागणी केली आहे. त्यांनी सांगितले की तेथे अनेक ओळखीचे लोक होते. त्यांनी जाणूनबुजून अनेक घरांना लक्ष्य केले. त्यामुळे आता राज्य सरकारने तेथे राहणाऱ्या लोकांच्या सुरक्षेवर लक्ष केंद्रित केले पाहिजे.
हेही वाचा-'Azadi Gaurav Yatra' Reached In Rajasthan : काँग्रेसची 'आझादी गौरव यात्रा' राजस्थानमध्ये दाखल
हेही वाचा-मध्य प्रदेश : भावाला मारहाण करत अल्पवयीन मुलीवर तिघांनी केला अत्याचार
हेही वाचा-Khargone Violence CCTV : मध्य प्रदेशातील खरगोन हिंसाचाराचे सीसीटीव्ही फुटेज सोशल मीडियावर व्हायरल
