दिल्ली - तीन दिवसांच्या दिल्ली दौऱ्यावर आलेले तमिळ नाडूचे मुख्यमंत्री एम. के स्टॅलिन यांनी गुरुवारी (दि. 31 मार्च)रोजी पंतप्रधान नरेंद्र मोदी यांची भेट घेतली. (MK Stalin Meets PM) यावेळी त्यांनी श्रीलंकन तमिळांना आर्थिक स्थितीच्या पार्श्वभूमीवर मदत देण्यासाठी केंद्राची मंजुरी मागितली आहे. दरम्यान, स्टॅलिन यांनी श्रीलंकेतील आर्थिक संकटाशी संबंधित मुद्द्यांसह पंतप्रधान मोदी यांच्या भेटीदरम्यान विविध मुद्द्यांवर तपशीलवार निवेदन दिले.
मोहल्ला क्लिनिकची पाहणी करणार - तमिळ नाडूचे मुख्यमंत्री एमके स्टॅलिन यांनी संरक्षण मंत्री राजनाथ सिंह यांचीही त्यांच्या दिल्लीतील निवासस्थानी भेट घेतली. तसेच, दिल्लीचे मुख्यमंत्री अरविंद केजरीवाल यांच्यासोबत ते शुक्रवारी आज (दि 1 एप्रिल)रोजी सरकारी शाळा आणि मोहल्ला क्लिनिकची पाहणी करणार आहेत. शुक्रवारी दोन्ही नेते भेटणार असून भेटीनंतर पाहणी करणार आहेत.
केंद्राने सहकार्य करावे - श्रीलंकन तमिळांना भेडसावणाऱ्या अडचणींचा संदर्भ देताना ते म्हणाले, की त्यांच्यापैकी अनेकांचा धोकादायक प्रवास सुरू आहे. कारण त्यांना तेथील जीवनावश्यक वस्तूंच्या वाढत्या किमतींमुळे राज्यातील संक्रमण शिबिरात ठेवण्यात आले आहे. तसेच, निवेदनात म्हटले आहे की, श्रीलंकेतील बिघडलेल्या आर्थिक परिस्थितीमुळे राज्यात आणखी लोक येऊ शकतात. त्यासाठी त्यांना मदत करण्यासाठी केंद्राने सहकार्य करावे अशी विनंती त्यांनी केली आहे.
बालकांना जीवनरक्षक उपाय म्हणून त्यांना मदत - सध्या, तामिळनाडू सरकार त्या देशाच्या उत्तरेकडील आणि पूर्व भागात राहणाऱ्या श्रीलंकन तमिळांना तसेच वृक्षारोपण क्षेत्रात काम करणाऱ्यांना, ज्यांना अन्नधान्याच्या तीव्र टंचाईचा सामना करावा लागत आहे, त्यांना जीवनावश्यक वस्तू आणि जीवनरक्षक औषधे पुरविण्याची तयारी करत आहे. विशेषत: असुरक्षित गटातील महिला आणि बालकांना जीवनरक्षक उपाय म्हणून त्यांना मदत करण्याची केंद्र सरकारने परवानगी दिली पाहिजे.
