लखनौ : शाळेची फी जमा करण्यासाठी शिकवणी शिकवणाऱ्या १८ वर्षीय तरुणीवर सामूहिक बलात्कार झाल्याच्या घटनेने सर्वच हैराण झाले (Lucknow girl student gangrape case)आहेत. पीडित मुलीवर ऑटो चालवणाऱ्या अत्याचारींनी ३ तास बलात्कार केला आणि तिच्या शरीरावर जखमाही केल्या. जिथे डीसीपी स्वतः एक महिला आहेत, अशा राजधानीच्या झोनमध्ये हा प्रकार घडला आहे.
नक्की काय घडले - इंटरमिजिएटमध्ये शिकणाऱ्या पीडितेने काही दिवसांपूर्वीच आपला १८ वा वाढदिवस साजरा केला होता, त्यानुसार १५ ऑक्टोबर रोजी संध्याकाळी ६.४५ वाजता तिने कथौटा भागात घरी जाण्यासाठी ऑटो घेतला. हुसदिया चौकाजवळ आल्यानंतर चालकाने ऑटो शहीद पथाकडे नेला. यावर पीडितेने चालकाला चुकीच्या दिशेने जाण्यासाठी अडवले. त्यानंतर चालकाने कारण सांगुन रिक्षा पुढे नेला. काही अंतर चालून गेल्यावर तिला काही शंका आल्याने ती आवाज करू लागली. पहिल्यांदा दोघांनी तिला शिवीगाळ केली. दुसऱ्यांदा आवाज केल्यावर त्यांनी तिच्या डोक्यावर जड वस्तूने वार केले. यामुळे ती बेशुद्ध झाली. पीडितेच्या म्हणण्यानुसार, दोन्ही आरोपींनी तिला ऑटोमध्ये सुशांत गोल्फ सिटीमधील प्लासिओ मॉलजवळील झुडपात नेले. तेथे दोघांनी तीन तास तिच्यावर बलात्कार केला. एवढेच नाही, तर शरीरावर अनेक जखमाही केल्या. नंतर तिला हुसदिया चौकात फेकण्यात (lucknow girl gangrape case) आले.
पोलिसांचाही पीडितेला त्रास - पीडितेने सांगितले की - शुद्धीवर आल्यानंतर तिने तिच्या कुटुंबीयांना फोन केला. आणि 112 डायल करून मदत मागितल्यावर हवालदार तिला कथोटा येथे घेऊन गेले, आणि परत आले आणि तिला पुन्हा तिथे सोडले. त्यानंतर ती कशीतरी घरी पोहोचली. कुटुंबीयांनी तिला गोमतीनगर पोलीस ठाण्यांतर्गत हुसदिया चौकात पोलीस बूथवर नेले. मात्र, घटनेचे ठिकाण विभूती खांडचे असल्याचे सांगून त्यांना तेथून परत पाठविले. पीडित तरुणी विभूती खांड पोलिस स्टेशनमध्ये पोहोचली, तेव्हा तिला ही घटना सुशांत गोल्फ सिटी हद्दीतील असल्याचे सांगून परत पाठवण्यात आले. सुशांत गोल्फ सिटीमध्ये जाऊनही पीडितेची तक्रार दाखल झाली नाही.
फी जमा करण्यासाठी शिकवणी - पीडित मुलीच्या नातेवाईकांच्या म्हणण्यानुसार, मुलीच्या वडिलांची आर्थिक परिस्थिती चांगली नाही. ही विद्यार्थिनी राजधानीतील एका नामांकित शाळेत शिकते. गेल्या अनेक महिन्यांपासून फी भरू शकली नाही, त्यामुळे ती शिकवणी शिकवत होती. त्याच पैशातून ती तिची फी जमा करत होती. पीडितेने सप्टेंबरमध्ये तिचा 18 वा वाढदिवस साजरा केला (girl student gangrape case) होता.
एफआयआर नोंदवण्यास पोलीसांची टाळाटाळ - पीडितेच्या मैत्रिणीच्या म्हणण्यानुसार, तिने तिच्या आई-वडिलांशिवाय फक्त तिच्यासोबत झालेला त्रास कथन केला होता. घटनेची माहिती मिळाल्यानंतर, दुसऱ्या दिवशी म्हणजेच 16 ऑक्टोबर रोजी ते पुन्हा एकदा विभूतीखंड पोलिस ठाण्यात गेले. तेव्हा तेथे उपस्थित असलेले काही पोलिस हे बदनामीकारक असल्याचे सांगत एफआयआर नोंदवू नका, असा सल्ला देत होते. एवढेच नाही तर सायंकाळी त्याला वैद्यकीय उपचारासाठी रुग्णालयात नेले असता तेथीही पोलिसांचा व्यवहारही त्यांच्याशी चांगला नव्हता.
गृह विभागाच्या प्रधान सचिवांच्या निदर्शनास येताच एफआयआर - पीडितेच्या दु:खाची आणि पोलिसांच्या निष्काळजीपणाची माहिती आगीसारखी पसरताच, गृह विभागाचे प्रधान सचिव संजय प्रसाद (Principal Secretary Home Department) यांनी तातडीने या घटनेची दखल घेत एफआयआर नोंदवण्याचे निर्देश दिले. त्यानंतर गुन्हा दाखल करण्यात आला. विभूतीखंड पोलीस ठाण्याचे निरीक्षक राम सिंह यांनी सांगितले की, विद्यार्थिनीच्या तक्रारीवरून एफआयआर दाखल करण्यात आला आहे. दोन्ही आरोपींची ओळख पटली आहे. आकाश आणि इम्रान अशी या आरोपींची नावे आहेत.
