बंगळुरू Lokayukta Raid : लोकायुक्त अधिकार्‍यांच्या पथकानं आज (5 डिसेंबर) पहाटे राज्यातील 63 भागांमध्ये एकाच वेळी छापे टाकले. बेकायदा मालमत्ता आणि लाच मागितल्याच्या तक्रारींच्या पार्श्वभूमीवर लोकायुक्त अधिकाऱ्यांच्या पथकानं विविध विभागांच्या 13 अधिकाऱ्यांच्या घरांवर आणि कार्यालयांवर छापे टाकले.
- बंगळुरूमध्ये तीन ठिकाणी छापे : लोकायुक्त अधिकाऱ्यांनी बंगळुरूमध्ये तीन ठिकाणी छापे टाकले. लोकायुक्त अधिकार्‍यांच्या पथकानं बेस्कॉमचे दक्षता अधिकारी टीएन सुधाकर रेड्डी यांच्या घरावर आणि दूध उत्पादक सहकारी संघाचे मुख्य कार्यकारी अधिकारी एचएस कृष्णमूर्ती यांच्या घरावर छापा टाकला.
म्हैसूरमध्ये छापा : लोकायुक्त अधिकाऱ्यांनी म्हैसूरमधील नंजनगुड शासकीय प्रथम श्रेणी महाविद्यालयाचे व्याख्याते महादेवस्वामी यांच्याशी संबंधित ठिकाणीही छापे टाकले आहेत. त्यांनी म्हैसूरमधील गुरुकुल नगर निवाससह 12 ठिकाणी तपासणी केली. पी. सुरेश बाबू यांच्या मार्गदर्शनाखाली लोकायुक्त एडीजीपी प्रशांत कुमार, आयजीपी सुब्रमणेश्वर राव, एस. डीएसपी कृष्णय्या यांचं पथक येथे अधिक तपास करत आहेत.
बेल्लारी आणि विजयनगरमध्ये लोकायुक्तांनी छापा टाकला : बेल्लारी खाण आणि पृथ्वी विज्ञान विभागाचे अधिकारी चंद्रशेखर, वन विभागाचे डीआरएफओ मारुती यांच्या घरावर लोकायुक्त अधिकाऱ्यांनी छापा टाकला. बेल्लारी येथे कार्यरत असलेले चंद्रशेखर, होस्पेट येथील आणि गंगावती येथील वनविभागाचे डीआरएफओ असलेले मारुती यांच्या घरांवर लोकायुक्त अधिकाऱ्यांनी छापे टाकले असून कागदपत्रांची तपासणी सुरू आहे.
बिदर-कलबुर्गीमध्ये लोकायुक्तांचा छापा : बीदरमध्येही लोकायुक्तांच्या पथकानं छापा टाकलाय. लोकायुक्त अधिकाऱ्यांनी बिदर अ‍ॅनिमल मेडिकल युनिव्हर्सिटीचे कर्मचारी सुनील कुमार यांच्या घरावर आणि कॉम्प्लेक्सवर छापे टाकले असून कागदपत्रांची तपासणी सुरू आहे. लोकायुक्त अधिकाऱ्यांनी कलबुर्गी शहरातील करुणेश्वर कॉलनीतील यादगिरी डीएचओ डॉ प्रभुलिंगा मानकर यांच्या निवासस्थानावरही छापा टाकल्याची माहिती मिळाली आहे.
हेही वाचा -
- रेल्वे अधिकाऱ्यांवर सीबीआयची छापेमारी, लाच घेताना रंगेहाथ पकडले
- शहरात आयकर विभागाच्या दोनशे अधिकाऱ्यांचा ताफा; 20 ठिकाणी बांधकाम व्यावसायिकांवर केली छापेमारी
- Income Tax Raid in Tamil Nadu : तामिळनाडूत आयकर विभागाचं धाडसत्र, मंत्री ईव्ही वेलू यांच्याशी संबंधित 80 ठिकाणी छापेमारी
