Adhik Maas 2023: पवित्र अधिक मास होतोय आजपासुन सुरू, चुकूनही करू नका 'हे' काम

आजपासून अधिक मासाची सुरूवात होत आहे. अधिक मासाला पुरुषोत्तम मास असेही म्हणतात. 19 वर्षांनंतर श्रावण महिन्यात अधिक मासाचा योग आला आहे. आपण अधिक मासाचे महत्त्व जाणून घेवू या.

नवी दिल्ली/गाझियाबाद : यावर्षी नवीन विक्रम संवत 2080 मध्ये 12 ऐवजी 13 महिने आहेत. एका वर्षात चैत्र, वैशाख, ज्येष्ठ, आषाढ, श्रावण, भाद्रपद, अश्विन, मार्गशीर्ष, पौष, माघ आणि फाल्गुन हे 12 मराठी महिने असतात. या महिन्यांना चंद्रमास म्हणतात. ते चंद्राच्या गतीने निश्चित केले जातात. चंद्रमास सुमारे 29 दिवसांचा असतो. तीन वर्षांनंतर, ते एक महिन्याने कमी होते. हा एक महिन्याचा कालावधी पूर्ण करण्यासाठी शास्त्रात अधिक मास ही संकल्पना सांगितली आहे, म्हणून 3 वर्षानंतर एक महिना अधिक असतो आणि त्याला अधिक मास म्हणतात.

अधिक मासाचा कालावधी : अध्यात्मिक गुरू आणि ज्योतिषाचार्य शिवकुमार शर्मा यांच्या मते, शास्त्रीय गणनेनुसार, केवळ श्रावण महिना हा नेहमीच अधीक मास असतो असे नाही. 19 वर्षांनंतर पुन्हा एकदा श्रावण महिन्यात अधिक मास आला आहे. भगवान श्रीकृष्ण म्हणाले होते की, अधिक मासाचा स्वामी मी स्वतः आहे. म्हणूनच या अधिक मासाला पुरुषोत्तम मास असेही म्हणतात. अधिक मासाचा कालावधी 18 जुलैपासून सुरू होऊन 16 ऑगस्टपर्यंत आहे. एक विशेष म्हणजे पुरुषोत्तम मासात संक्रांती नसते. कर्क राशीची संक्रांती 16 जुलैला होती आणि सिंह राशीची संक्रांती 17 ऑगस्टला आहे.

अधिक मासात 'या' गोष्टी करू नका :

1. अधिक मासात लग्नकार्य, घरकाम आणि भूमिपूजन करू नये.
2. अधिक मासात उपवास आणि सण साजरे करण्यास मनाई आहे.
3. अधिक मासात मद्यपान करू नका, मांसाहार करू नका.
4. चुकीची माहिती देऊ नका, खोटे बोलू नका.
5. कोणाशीही फसवणूक करू नका.

अधिक मासात काय करावे?

1. अधिक मासात बाळ दत्तक घेणे, रिंगण समारंभ ही कामे करता येतात.
2. तसेच भूमिपूजन, गृहप्रवेशास बंदी असली तरी घराचा प्लॉट घेणे, त्याची नोंदणी करणे, त्याची दुरुस्ती करणे हे शुभ आहे.
3. या महिन्यात देवाची उपासना केली पाहिजे.
4. तुमच्या आवडत्या देवाची पूजा करा, मंत्रोच्चार करा आणि विशेष विधी करा.
5. गुरु मंत्र किंवा कोणत्याही मंत्राचा जप लाभदायक ठरू शकतो.
6. यज्ञ, हवन, भागवत कथा, अखंड रामायण पठण, सत्यनारायण व्रत कथा या सर्व गोष्टी या महिन्यात शुभ आहेत.
7. विष्णु सहस्रनाम, गोपाल सहस्रनाम, महामृत्युंजय जप, रुद्राभिषेक इत्यादी करणे शुभ असते.
8. या महिन्यात पाहुण्यांची सेवा, आई आणि वडिलांची भक्ती, गुरूची भक्ती करणे खूप चांगले आहे.

येथे दिलेली माहिती केवळ गृहीतकांवर आधारित आहे. ईटीव्ही भारत कोणत्याही प्रकारच्या माहितीची पुष्टी करत नाही. यांवर विश्वास ठेवण्यापूर्वी, संबंधित तज्ञाचा सल्ला घ्या.

हेही वाचा :