सैन्यामुळेच आम्ही रात्री शांत झोपतो, कारगिल नायकाच्या वडिलांचा 'सर्वात कठीण युद्धा'च्या विजयाच्या आठवणींना उजाळा

भारतात आज कारगिल दिवस साजरा केला जात आहे. यानिमित्ताने शहीद कॅप्ट मनोज पांडे यांचे वडील गोपीचंद पांडे म्हणाले, की 'भारतीय लष्कर देशासमोरील सर्व धोक्यांना तोंड देण्यास सक्षम आहे. सर्व भारतीयांना याचा अभिमान आहे'.

लखनऊ (उत्तर प्रदेश) - कारगिल विजय दिन आज देशभरात साजरा केला जात आहे. उत्तर प्रदेशच्या लखनौ येथील कॅप्टन मनोज पांडे हे या युद्धात शहीद झाले. कारगिल दिनाच्या निमित्ताने त्यांचे वडिल गोपीचंद पांडे म्हणाले, की 'कारगिल युद्ध हे जगाच्या सर्वात कठीण युद्धांपैकी एक होते. जेथे शत्रूला मोठा फायदा होतो. पण भारतीय सैन्याने जोरदार झुंज दिली आणि आमच्या शिखरावर हक्क सांगितला'.

'माझ्या मुलाचा मला अभिमान'

'मला माझ्या मुलाचा अभिमान आहे. लष्करातील एक सैनिक म्हणून त्याने आपल्या जबाबदाऱ्या पूर्ण केल्या. मला अभिमान आहे, की माझ्या मुलाने आपल्या मातृभूमीसाठी आपले प्राण दिले आणि अनेकांसाठी प्रेरणा बनला', असे गोपीचंद पांडे यांनी म्हटले.

यूपी सैनिक शाळेला मनोज पांडेंचे नाव

'माझ्या मुलाने संपूर्ण देशाचा अभिमान बाळगला. त्याने लष्करातील एक सैनिक म्हणून आपली जबाबदारी पूर्णपणे निभावली. हे सांगताना आनंद होतोय, की उत्तर प्रदेश सैनिक शाळेचे नाव शहीद कॅप्टन मनोज पांडे याच्याच नावावरून ठेवले आहे', असेही पांडे यांनी म्हटले. तसेच, 1999 च्या कारगिल युद्धाची आठवण करून देताना पांडे म्हणाले, की 'परिस्थिती अतिशय वाईट होती. कारण दहशतवाद्यांनी आमच्या पर्वतांच्या शिखरावर बंकर बनवले होते'.

कारगिल युद्धात 527 जवान शहीद

'ते आमच्या सैन्यावर वरून हल्ला करत होते. पण आमच्या सैनिकांनी सर्व प्रयत्न केले आणि आमचे डोंगर, जमीन पुन्हा मिळविली. यात तब्बल 527 लष्करी जवानांचा मृत्यू झाल्याचे आढळले', असेही पांडे म्हणाले.

'सैन्यामुळेच आम्ही रात्री शांत झोपतो'

शहीद कॅप्टन मनोज पांडे यांच्या वडिलांनी पुढे सांगितले, की 'भारतीय लष्कर देशासमोरील सर्व आव्हानांना तोंड देण्यास सक्षम आहे. सर्व भारतीयांना याचा अभिमान आहे. आमच्या सैन्यामुळेच आम्ही रात्री शांत झोपतो'.

सैनिकांचा अभिमान व शौर्य जागृत करण्यासाठी...

भारतीय सैन्याने २ जुलै 1999 रोजी पाकिस्तानला पराभूत केले होते. तेव्हापासून ऑपरेशन विजयात भाग घेणाऱ्या सैनिकांचा अभिमान व शौर्य जागृत करण्यासाठी हा दिवस 'कारगिल विजय दिवस' म्हणून साजरा केला जातो.

मनोज पांडेंना मरमोपरांत परवीर चक्र

199 मध्ये कारगिल युद्धाच्या वेळी धैर्य व नेतृत्त्वासाठी कॅप्टन मनोज पांडे यांना मरणोपरांत परमवीर चक्राने सन्मानित करण्यात आले. त्यांनी कारगिलच्या बटालिक सेक्टरमधील खालूबार हिल्सच्या जुबार टॉपवर हल्ला झाल्यावर आपला प्राणांची आहुती दिली.

हेही वाचा - कारगिल युद्धातील परमवीर चक्र प्राप्त शूर सैनिकांची थरारक कहाणी