लखनऊ (उत्तर प्रदेश) - जनता दल (यूनाइटेड)ने ( Janata Dal United Candidate List ) मंगळवारी (दि. 25 जानेवारी) उत्तर प्रदेश विधानसभा निवडणुकीत ( Uttar Pradesh Election 2022 ) 20 जागांसाठी आपले उमेदवार जाहीर केले आहेत. लखनऊच्या कैंट विधानसभा मतदारसंघासाठी ( Lucknow Cantt Vidhan Sabha Seat ) आशीष सक्सेना यांचे नाव घोषित करण्यात आले आहे. उत्तर प्रदेशात जनता दल यूनाइटेडचे उमेदवार निवडून येतील, असा विश्वास पक्षाचे प्रदेशाध्यक्ष डॉ. अनूप पटेल यांनी व्यक्त केला.
जेडीयूचे प्रदेशाध्यक्ष डॉ. अनूप पटेल यांनी यंदाच्या उत्तर प्रदेश विधानसभा निवडणुकीत ( Uttar Pradesh Election 2022 ) 26 जागांवर लढवण्याची घोषणा केली होती. त्यातील वीस जागांवरील उमेदवारांची घोषणा केली असून उर्वरित नावे पटेल लवकरच घोषित करणार आहेत.
दरम्यान, मालेगाव बॉम्बस्फोटातील मुख्य आरोपी रमेशचंद्र उपाध्याय यांना तिकीट देण्याचे प्रकरण तापले असताना जनता दल युनायटेडने सुधारित यादी जारी करून रमेशचंद्र उपाध्याय यांची विधानसभेची जागा काढून घेतली. त्यांच्या जागी मीरा दिवाकर यांना पक्षाच्या उमेदवारी देण्यात आली आहे.
जनता दल यूनाइटेड ( Janata Dal United )ने जाहीर केलेल्या उमेदवारांची यादी खालील प्रमाणे :
| अ.क्र. | मतदार संघ | उमेदवाराचे नाव |
| १ | रोहनिया | सुशील कश्यप |
| २ | गोसाईगंज | मनोज वर्मा |
| ३ | मडिहान | डॉ. अरविंद पटेल |
| ४ | घोरावल | अनीता कौल |
| ५ | बांगरमऊ | राबिया बेगम |
| ६ | प्रतापपूर | नीरज सिंह पटेल |
| ७ | करछना | अजीत प्रताप सिंह |
| ८ | बैरिया | रमेश चंद्र उपाध्याय |
| ९ | भिनगा | राजेश कुमार शुक्ला |
| १० | रॉबर्ट्सगंज | अतुल प्रताप पटेल |
| ११ | मडीयाहू | सुशील कुमार पटेल |
| १२ | शोहरतगड | ओम प्रकाश गुप्ता |
| १३ | चुनार | संजय सिंह पटेल |
| १४ | महरौनी | कैलाश नारायण |
| १५ | भाटपार रानी | रामाश्रय राजभर |
| १६ | भोगनीपूर | सतीश सचान |
| १७ | रानीगंज | संजय राज पटेल |
| १८ | जगदीशपूर | दिनेश कुमार |
| १९ | बिलासपूर | जगदीश शरण पटेल |
| २० | लखनऊ कैंट | आशीष सक्सेना |
