कोलकाता (पश्चिम बंगाल) : पश्चिम बंगालच्या मुख्यमंत्री ममता बॅनर्जी यांनी नोबेल पारितोषिक विजेते अमर्त्य सेन यांचे शांतिनिकेतन घर पाडण्याचा किंवा बळकावण्याचा प्रयत्न केल्यास आपण धरणे धरू असा इशारा दिला आहे. मुख्यमंत्री ममता यांनी अमर्त्य सेन यांच्या विश्व-भारती विद्यापीठातील जमिनीच्या वादात हस्तक्षेप करताना जमिनीची कागदपत्रे अमर्त्य सेन यांना दिली होती. यानंतरही अमर्त्य सेन यांच्या जमिनीवरून विश्वभारती विद्यापीठातील संघर्ष कायम आहे.
बुलडोझर फिरवण्याचा प्रयत्न झाला : अमर्त्य सेन यांना नुकतीच विश्व-भारती विद्यापीठाच्या अधिकाऱ्यांनी जमीन सोडण्याची नोटीस बजावली होती. यानंतर, बुद्धिजीवींनी उघडपणे 89 वर्षीय अर्थतज्ज्ञाच्या छळाचा दावा केला. मात्र, आता पश्चिम बंगालच्या मुख्यमंत्री ममता बॅनर्जी यांनी विश्वभारतीविरोधातील लढाईत थेट नोबेल विजेत्या अर्थतज्ज्ञाची बाजू घेतली आहे. अमर्त्य सेन यांच्या शांतिनिकेतनमधील प्रतिची यांच्या घरावर बुलडोझर फिरवण्याचा प्रयत्न झाला आहे. तर, त्याआधी प्रतिची यांच्यासमोरच धरणे धरतील, असेही त्यांनी स्पष्टपणे सांगितले आहे.
आगीशी खेळणे लोक मान्य करणार नाहीत : यामध्ये ममता बॅनर्जी यांनी माध्यमांशी बोलताना केंद्र सरकारवर कट रचल्याचा आरोप केला. तसेच, दिल्ली सरकार विविध प्रकारे बंगालला अडचणीत आणण्याचा प्रयत्न करत आहे असाही त्यांनी आरोप केला आहे. ममता म्हणाल्या, 'बंगाल, उत्तर प्रदेश, दिल्ली किंवा गुजरात नाही, जिथे जंगलराज सुरू आहे. भाजपशासित राज्यात बिल्किस बानोवर झालेल्या बलात्कारानंतर सगळेच दोषी कसे निर्दोष सुटले, असा सवाल त्यांनी उपस्थित केला आहे. हा बंगाल आहे, बंगालची अस्मिता स्वातंत्र्यलढ्याची आहे, आपली ओळख आहे शिक्षण संस्कृतीची, हीच माती आहे जिथे राजा राममोहन रॉय, ईश्वरचंद्र विद्यासागर, स्वामी विवेकानंद यांसारखे विचारवंत जन्माला आले. ममता म्हणाल्या, इथे आगीशी खेळणे लोक मान्य करणार नाहीत.
घर पाडण्याची ताकद कोणाकडे आहे हे मला पहायचे आहे : अमर्त्य सेन विरुद्ध विश्व-भारती प्रकरणावर विचारले असता, मुख्यमंत्री ममता बॅनर्जी म्हणाल्या की नोबेल पारितोषिक विजेते अर्थशास्त्रज्ञ अमर्त्य सेन यांच्यासोबत जे घडत आहे ते मला आवडत नाही. हे कृत्य करणाऱ्यांचे धाडस पाहून मी थक्क झाली आहे असही ते म्हणाले आहेत. यांना अमर्त्य सेन यांचे घर पाडायचे आहे, असे ममता म्हणाल्या आहेत. अमर्त्य सेन यांचे घर पाडण्यासाठी पुढाकार घेतल्यास सर्वप्रथम मी तिथेच धरणे धरेन. त्यांचे घर पाडण्याची ताकद कोणाकडे आहे हे मला पहायचे आहे असही त्या म्हणाल्या आहेत.
हेही वाचा : Prakash Singh Badal: भाजपला राजकीयदृष्ट्या 'अस्पृश्य' बोलले जात असताना प्रकाशसिंग बादलांनी दिली साथ
