हिमाचल प्रदेश : हिमाचल प्रदेशातील 68 विधानसभा जागांसाठी सकाळी आठ वाजता मतदानाला सुरुवात झाली आहे. ( Himachal Election 2022 ) राज्यभरात उभारण्यात आलेल्या ७ हजार ८८१ मतदान केंद्रांवर सायंकाळी ५ वाजेपर्यंत मतदान होणार आहे. 14 व्या विधानसभेसाठी सकाळी 8 ते सायंकाळी 5 या वेळेत मतदान होत आहे. राज्यातील सर्व ६८ जागांवर एकाच वेळी मतदान होणार असून त्यासाठी एकूण ७८८१ मतदान केंद्रे उभारण्यात आली आहेत.
लोक मतदानासाठी पोहोचले : राज्यातील मंडी जिल्ह्यातील धरमपूर विधानसभा मतदारसंघातील भरौरी बूथवर लोक मतदानासाठी पोहोचले आहेत. महिला आणि पुरुष मतदानासाठी रांगेत उभे आहेत. आठ वाजता मतदानाला सुरुवात झाली आहे. कुल्लू जिल्ह्यातील मौहल या मतदान केंद्रावरही लोकांनी मतदानासाठी रांगा लावल्या होत्या.
जयराम ठाकूर यांनी मतदारांना केले आवाहन : हिमाचलचे मुख्यमंत्री जयराम ठाकूर मतदानापूर्वी म्हणाले की, प्रचाराचा शुभारंभ चांगल्या वातावरणात झाला याचा मला आनंद आहे. हिमाचलच्या लोकांनी सहकार्य केले. यासाठी मी हिमाचलच्या लोकांचे आभार मानतो. मी सर्व मतदारांना आज मतदान करण्याचे आवाहन करतो जेणेकरून आपण लोकशाही आणखी मजबूत करू शकू.
लोकशाहीच्या या उत्सवात उत्साहाने सहभागी व्हा : हिमाचल प्रदेशातील सर्व विधानसभा जागांसाठी आज मतदानाचा दिवस असल्याचे पंतप्रधान नरेंद्र मोदी यांनी ट्विट केले आहे. देवभूमीच्या सर्व मतदारांना माझी विनंती आहे की, लोकशाहीच्या या उत्सवात पूर्ण उत्साहाने सहभागी होऊन मतदानाचा नवा विक्रम निर्माण करावा. या निमित्ताने पहिल्यांदाच मतदान करणाऱ्या राज्यातील सर्व तरुणांना माझ्या विशेष शुभेच्छा.
-
हिमाचल प्रदेश की सभी विधानसभा सीटों के लिए आज मतदान का दिन है। देवभूमि के समस्त मतदाताओं से मेरा निवेदन है कि वे लोकतंत्र के इस उत्सव में पूरे उत्साह के साथ भाग लें और वोटिंग का नया रिकॉर्ड बनाएं। इस अवसर पर पहली बार वोट देने वाले राज्य के सभी युवाओं को मेरी विशेष शुभकामनाएं।
— Narendra Modi (@narendramodi) November 12, 2022 " class="align-text-top noRightClick twitterSection" data="
">हिमाचल प्रदेश की सभी विधानसभा सीटों के लिए आज मतदान का दिन है। देवभूमि के समस्त मतदाताओं से मेरा निवेदन है कि वे लोकतंत्र के इस उत्सव में पूरे उत्साह के साथ भाग लें और वोटिंग का नया रिकॉर्ड बनाएं। इस अवसर पर पहली बार वोट देने वाले राज्य के सभी युवाओं को मेरी विशेष शुभकामनाएं।
— Narendra Modi (@narendramodi) November 12, 2022हिमाचल प्रदेश की सभी विधानसभा सीटों के लिए आज मतदान का दिन है। देवभूमि के समस्त मतदाताओं से मेरा निवेदन है कि वे लोकतंत्र के इस उत्सव में पूरे उत्साह के साथ भाग लें और वोटिंग का नया रिकॉर्ड बनाएं। इस अवसर पर पहली बार वोट देने वाले राज्य के सभी युवाओं को मेरी विशेष शुभकामनाएं।
— Narendra Modi (@narendramodi) November 12, 2022
राहुल गांधींचे मतदानाचे आवाहन : काँग्रेस नेते राहुल गांधी यांनीही हिमाचल प्रदेशातील जनतेला मतदान करण्याचे आवाहन केले आहे. हिमाचल जुनी पेन्शन प्रणाली, रोजगार आणि 'हर घर लक्ष्मी'साठी मतदान करणार असल्याचे ट्विट त्यांनी केले.
सकाळी 9 वाजेपर्यंत 4.36% मतदान : हिमाचल प्रदेश विधानसभा निवडणूक 2022 साठी मतदान सुरु आहे. सकाळी 9 वाजेपर्यंत 4.36 टक्के मतदान झाले आहे. शिमला 4.36%, कांगडा 3.76%, सोलन 4.90%, चंबा 2.64%, हमीरपूर 5.61%, सिरमौर 4.89%. कुल्लूमध्ये 3.74%, लाहौल स्पीती 1.56%, उना 4.23%, किन्नौर 2.50%, मंडी 6.24% आणि बिलासपूर 2.35% आहे.
हिमाचल काँग्रेस अध्यक्षांनी मतदान केले : हिमाचल प्रदेश काँग्रेसच्या अध्यक्षा प्रतिभा सिंह आणि त्यांचा मुलगा आणि पक्षाचे आमदार विक्रमादित्य सिंह यांनी शिमला येथील रामपूर येथे हिमाचल प्रदेश निवडणुकीसाठी मतदान केले. मतदान करण्यापूर्वी त्या आपल्या मुलासह शनि मंदिरात प्रार्थना करण्यासाठी गेल्या होत्या.
मुख्यमंत्री जयराम ठाकूर यांनी कुटुंबासह मतदान केले : हिमाचल प्रदेशचे मुख्यमंत्री जयराम ठाकूर यांनी त्यांच्या कुटुंबासह मंडीच्या सेराज विधानसभा मतदारसंघातील मतदान केंद्र 44 वर मतदान केले. मतदान केल्यानंतर ते म्हणाले की, आम्हाला विजयाची पूर्ण खात्री आहे. मतदान करण्यापूर्वी त्यांनी कुटुंबासह मंडीच्या मंदिरात पूजा केली होती. यावेळी त्यांची पत्नी आणि दोन्ही मुली उपस्थित होत्या.
