मुझफ्फरनगर ( उत्तरप्रदेश ) : गुजरात एटीएसने शनिवारी रात्री उशिरा शहर कोतवाली भागातील मोहल्ला किडवाईनगर येथे छापा टाकून सुमारे 1300 कोटींचे हेरॉईन जप्त केले ( Gujarat ATS seizes heroin ) आहे. तीन दिवसांपूर्वी एनसीबीच्या पथकाने दिल्लीतील शाहीन बाग येथे छापा टाकून 30 लाखांच्या रोख रकमेसह 97 किलो अफगाण ड्रग्ज जप्त केले होते. याप्रकरणी कैराना (शामली) येथील एक अहमद आणि दोन अफगाण नागरिकांना अटक करण्यात आली आहे.
याप्रकरणी आरोपी अहमदची चौकशी केली असता, मुझफ्फरनगरच्या हैदर नावाच्या व्यक्तीचे नाव समोर आले. यानंतर, हैदरला ताब्यात घेत असताना, एनसीबी आणि गुजरात एटीएसने त्याची चौकशी केली, तेव्हा आरोपीने त्याच्या मुझफ्फरनगरच्या घरात ड्रग्ज असल्याची कबुली दिली. त्यावर पथकाने किडवाई नगर येथे जाऊन आरोपीच्या घरावर छापा टाकून सुमारे 1300 कोटींचे हेरॉईन जप्त केले. इतकंच नाही तर हैदरसोबत इमरान नावाची व्यक्तीही समोर आली.
उल्लेखनीय आहे की, सुमारे 30 वर्षांपूर्वी हैदर उर्फ चुन्नू वॉल प्रिंटरचे काम करायचे. हैदर 20 वर्षांपूर्वी दिल्लीला गेला आणि नंतर चोरीच्या गुन्ह्यात दिल्लीच्या तुरुंगात गेला. यानंतर हैदर शाहीन बागमध्ये राहू लागला. तिथंच त्याचं आयुष्य बदललं. द्रासचा व्यवसाय करून तो काही वर्षात करोडपती झाला.
यानंतर हैदरने झांबिया स्कूल किडवाई नगरमध्ये स्वतःचे आलिशान घर बांधले. गुजरातच्या किनारपट्टीवरही एटीएसने हेरॉईनची मोठी खेप पकडल्याचे सांगण्यात येते. यात हैदरचे नावही समोर आले आहे. सिटी कोतवाल आनंद देव मिश्रा यांनी सांगितले की, शनिवारी रात्री साडेअकराच्या सुमारास किडवाईनगरमध्ये एटीएसने छापा टाकला. यादरम्यान हैदर नावाच्या व्यक्तीच्या घरातून सुमारे 1200 ते 1300 कोटी रुपयांची हिरोईन जप्त करण्यात आली आहे.
हेही वाचा : गुजरात : पाकिस्तानी जहाजातून 300 कोटींचे अमली पदार्थ जप्त, 9 जाणांना अटक
