लुधियाना (पंजाब) : लुधियाना जिल्ह्यातील गुरु अमरदास नगरमध्ये एका वडिलांवर आपल्या 11 वर्षांच्या मुलीवर बलात्कार केल्याचा आरोप करण्यात आला आहे. (father raped 11 year old child). मुलीचे वडील गेल्या एक वर्षापासून मुलीवर बलात्कार करत होते असा आरोप आहे. शेजाऱ्यांना हा प्रकार कळताच त्यांनी सोशल मीडियाद्वारे पोलिसांत तक्रार केली. (Father Raped Child in Ludhiana).
मुलीवर घरच्यांचा दबाव : मुलीची तक्रार सार्वजनिक करणाऱ्या सामाजिक कार्यकर्त्या मनदीप कौर म्हणाल्या की, मुलीला आरोपीने अतिशय वाईट पद्धतीने आपल्या वासनेची शिकार बनवले आहे. घरातील बाकीच्या महिलाही मुलीवर काहीही न बोलण्याचा दबाव आणत होत्या. त्यामुळे या महिलांवरही कडक कारवाई करण्यात यावी, असे त्या म्हणाल्या.
पोलीस चौकशी सुरु : पोलिसांचे म्हणणे आहे की, हे प्रकरण उघडकीस आल्यानंतर त्यांनी गुन्हा दाखल करून पीडितेच्या वडिलांना अटक केली आहे. आरोपीचे नाव मुकेश कुमार आहे. मुलीचे वय 11 वर्षे असून तिच्यावर वैद्यकीय उपचार सुरू असल्याचे त्यांनी सांगितले. ते म्हणाला की, आम्हाला त्यांच्या शेजाऱ्यांनी तक्रार दिली होती. त्यांनी सांगितले की आम्ही या प्रकरणाची सखोल चौकशी करत आहोत. या प्रकरणात पीडितेच्या आईची काय भूमिका होती?, याची देखील आम्ही छडा लावतो आहे.
