नवी दिल्ली अर्थतज्ज्ञ आणि नियोजन आयोगाचे माजी सदस्य अभिजित सेन यांचे निधन abhijit sen passes away झाले. सेन हे ग्रामीण अर्थव्यवस्थेतील अग्रगण्य तज्ञ मानले जात होते. सोमवारी रात्री उशिरा वयाच्या ७२ व्या वर्षी त्यांचे निधन झाले. त्यांच्या भावाने ही माहिती दिली. चार दशकांहून अधिक काळ असलेल्या त्यांच्या शैक्षणिक कारकिर्दीत त्यांनी अनेक नामांकित संस्थांमध्ये अध्यापन केले आहे. अभिजीत यांचे भाऊ डॉ. प्रणव सेन यांनी सांगितले की, रात्री 11 वाजता त्यांना हृदयविकाराचा झटका आला. अभिजीत यांना हॉस्पिटलमध्ये नेण्यात आले, पण आम्ही हॉस्पिटलमध्ये पोहोचलो तोपर्यंत त्यांचा मृत्यू झाला होता.
चार वर्षांहून अधिक कालावधीच्या कारकिर्दीत, अभिजित यांनी दिल्लीच्या जवाहरलाल नेहरू विद्यापीठात अर्थशास्त्र शिकवले. याशिवाय त्यांनी कृषी खर्च आणि किंमत आयोगाच्या अध्यक्षासह अनेक महत्त्वाची सरकारी पदे भूषवली. मनमोहन सिंग सरकारच्या काळात 2004 ते 2014 पर्यंत अभिजित नियोजन आयोगाचे सदस्य होते. नवी दिल्लीत राहणाऱ्या बंगाली कुटुंबात त्यांचा जन्म झाला. भौतिकशास्त्र ऑनर्स पदवीसाठी ते सरदार पटेल विद्यालय आणि नंतर सेंट स्टीफन्स कॉलेजमध्ये गेले. त्यांनी 1981 मध्ये केंब्रिज विद्यापीठातून अर्थशास्त्रात पीएचडी केली, जिथे ते ट्रिनिटी हॉलचे सदस्य होते.
हेही वाचा Dussehra Gathering शिवाजी पार्कवर कुणाचा जय महाराष्ट्र, दसरा मेळाव्यावरून शिंदे ठाकरे आमनेसामने
