बर्याच लोकांना असे वाटते, की केचप फक्त ताजे टोमॅटोने बनवले जाते. पण यात साखरेबरोबरच मीठ आणि फ्रक्टोज कॉर्न सिरप देखील चवीसाठी जास्त प्रमाणात टाकले जाते. यामुळे मुलांमध्ये लठ्ठपणा आणि प्रौढांमध्ये उच्च रक्तदाब होतो. केचपचे जास्त सेवन केल्यास शरीरातील साखर आणि सोडियमचे प्रमाण (ketchup is harmful for your health) वाढते. त्यामुळे शरीरात खनिजांचे असंतुलन होऊन आरोग्याच्या विविध समस्या निर्माण होतात. त्यामुळे जास्त केचअप खाऊ (dont eat much ketchup) नका, असा सल्ला डॉक्टर देतात. health News . Utility News.
लठ्ठपणा आणि मधुमेह : केचपचे सेवन केल्याने शरीराला पोषक तत्व मिळत नाहीत. किमान फायबर आणि प्रथिने यांसारखे पोषक घटकही मिळत नाहीत. पण चवीनुसार साखर, मीठ, प्रिझर्व्हेटिव्ह्ज आणि फ्रक्टोज कॉर्न सिरप घातल्याने आरोग्याच्या अनेक समस्या उद्भवू शकतात. ट्रायग्लिसराइड्स, विशेषत: उच्च फ्रक्टोज कॉर्न सिरपमुळे लठ्ठपणा येऊ शकतो. त्याचप्रमाणे इन्सुलिनच्या पातळीत बदल झाल्यामुळे मधुमेहाचा धोका असतो.
![Health News](https://etvbharatimages.akamaized.net/etvbharat/prod-images/17056010_ketchup.jpg)
पचन समस्या : केचपमध्ये मॅलिक अॅसिड आणि सायट्रिक अॅसिड असते. त्यामुळे अॅसिडिटीसोबत छातीत जळजळ होते. या व्यतिरिक्त, तळलेले पदार्थ आणि जंक फूडसोबत याचे सेवन केल्यास अपचनाची समस्या अधिक होऊ शकते. म्हणूनच गॅस्ट्रिक आणि इतर पचनाच्या समस्या असलेल्यांनी केचअप टाळावे, असे तज्ञ सुचवतात.
सांधेदुखी : केचपसारखे प्रक्रिया केलेले पदार्थ खाल्ल्याने जळजळ होण्याची समस्या उद्भवू शकते. सांधे आणि गुडघे मध्ये विशेषतः वेदना जाणवु शकतात.
![Health News](https://etvbharatimages.akamaized.net/etvbharat/prod-images/17056010_ketchup-1.jpg)
किडनी समस्या : तळलेले आणि प्रक्रिया केलेल्या पदार्थांसोबत याचे सेवन केल्याने, शरीरात सोडियमचे प्रमाण वाढते. यामुळे मूत्राद्वारे उत्सर्जित होणारे कॅल्शियमचे प्रमाण वाढते आणि मुतखडा तयार होतो. किडनी निकामी होण्याचाही धोका असतो.
ऍलर्जी समस्या : टोमॅटो केचपमध्ये हिस्टामाइनचे प्रमाण जास्त असते. त्यामुळे शिंका येणे, खोकणे यासारख्या ऍलर्जी होतात. काही लोकांना श्वसनाचा त्रासही होतो.
घरीच बनवा : केचपचे जास्त सेवन केल्यास किती समस्या येतात हे आपण जाणुन घेतले. हेच केचअप आपण कुठलेही प्रिझर्व्हेटिव्ह्ज आणि कृत्रिम घटक न घालता घरीच तयार करु शकतो. कारण, चवीपेक्षा आरोग्य महत्त्वाचे आहे आणि मसालेदार आणि तळलेल्या पदार्थांपासून जेवढं लांब राहीलं तेवढेच चांगले. health News . Utility News.