नवी दिल्ली - रक्षाबंधन ( RakshaBandhan ) सण जवळ आला आहे. बहिण-भावातील प्रेमाच्या नात्याला राखी ने घट्ट बांधणारा रक्षाबंधन सण आहे. सणासाठी दूर-दूरच्या ठिकाणी राख्या पाठवण्यासाठी टपाल खात्याने खास राखी लिफाफे आणले आहेत ( Department of Posts launches exclusive Rakhi envelopes ), अशी माहिती दळणवळण मंत्रालयाने ( Ministry of Communications ) गुरुवारी दिली. यावर्षी 11 ऑगस्ट रोजी हा रक्षाबंधन सण साजरा होत आहे.
टपाल खात्याचे खास राखी लिफाफे - "रक्षाबंधनाच्या निमित्ताने, टपाल खात्याने खास राखी लिफाफे आणले आहेत. दिल्ली पोस्टल सर्कलने यात उत्कृष्ट कला दाखवली असून ते जलरोधक ( Waterproof ), हलके वजन ( Light Weight )असलेले आणि उच्च दर्जाचे ( high quality ) राखी लिफाफे आहेत. विषेश म्हणजे त्यांच्या विक्रीसाठी खास व्यवस्था करण्यात आली आहे. दिल्ली शहर पोस्ट ऑफिसेसद्वारे हे मोहक आणि आकर्षक लिफाफे तयार करण्यात आले आहेत,” असे दळणवळण मंत्रालयाने म्हटले आहे.
जलरोधक आणि मजबूत लिफाफे - हे राखी लिफाफे पूर्णपणे जलरोधक आणि मजबूत आहेत. लिफाफे 11cm x 22cm आकारात उपलब्ध आहेत. सहज सील करण्यासाठी पील-ऑफ स्ट्रिप सील सारखी सूविधा आकर्षक डिझाइनमध्ये उपलब्ध आहेत. मंत्रालयाने या राखी लिफाफ्यांची किंमत प्रति 15 रुपये दराने 'किफायतशीर' असल्याचे म्हटले आहे. राजधानी दिल्लीच्या पोस्ट ऑफिसमध्ये या राखी लिफाफ्यांची विक्री आधीच सुरू झाली आहे. ती 8 ऑगस्टपर्यंत दिल्लीत पोस्ट करण्यासाठी आणि 7 ऑगस्टपर्यंत इतर राज्यांमध्ये राख्या पाठवण्यासाठी सुरू राहील.त्यामुळे "कृपया तुमच्या जवळच्या मुख्य पोस्ट ऑफिसमध्ये जा आणि लिफाफे खरेदी करा. राखी लिफाफे आणि पोस्ट ऑफिसमधून तुमच्या प्रिय व्यक्तीला पाठवा,” असे मंत्रालयाने म्हटले आहे.
