बहारिच - देशात कोरोनाचा हाहाकार सुरू आहे. अशात सर्वाधिक लोकसंख्या असलेल्या उत्तर प्रदेशमध्ये कोरोनाचे रुग्ण वाढले आहेत. परिणामी आरोग्य व्यवस्था कोलमडली आहे. अनेक रुग्णांना ऑक्सिजन अभावी आपला जीव गमवावा लागत आहे. यादरम्यान, एका महिलेला इमरजन्सीमध्ये ऑक्सिजन न मिळाल्याने त्या रुग्णाच्या मुलींनी तोंडातून ऑक्सिजन देण्याचा प्रयत्न प्रयत्न केला.
मुलींनी आईला मृत्यूच्या खाईतून बाहेर काढलं -
एका महिलेला शनिवारी श्वास घ्यायला जास्त त्रास व्हायला लागला. तेव्हा त्याच्या नातेवाईंनी त्या महिलेला उपचारासाठी रुग्णालयात आणलं. पण रुग्णालयात ऑक्सिजनचा तुटवडा होता. त्यामुळे त्या महिलेला ऑक्सिजन मिळाले नाही. तेव्हा त्या महिलेच्या मुलींनी त्या महिलेला तोंडातून ऑक्सिजन दिला. हे दृश्य पाहून रुग्णालय परिसरात खळबळ उडाली.
ही घटना एकाने त्याच्या मोबाईलमध्ये चित्रीत केली आणि त्याचा व्हिडिओ व्हायरल केला. व्हिडिओ व्हायरल झाल्यानंतर रुग्णालय प्रशासनामध्ये खळबळ उडाली. त्यांनी त्या रुग्णाला तिथून हलवण्यास सांगितलं आणि रुग्णालयातील कर्मचाऱ्यांना या घटनेबाबत कोणतीही माहिती देण्यास मज्जाव केला. दरम्यान, आता त्या महिलेची प्रकृती स्थिर असून तिच्यावर दुसऱ्या एका रुग्णालयात उपचार सुरू आहेत.
हेही वाचा - LIVE Updates : पश्चिम बंगाल विधानसभा निवडणूक; निकालाचे अपडेट्स वाचा एका क्लिकवर..
हेही वाचा - LIVE Updates : तामिळनाडू, पुद्दुचेरी, केरळ आणि आसाम विधानसभा निवडणूक; निकालांचे अपडेट्स वाचा एका क्लिकवर..
