नवी दिल्ली : ( Delhi ) दिल्लीत शनिवारपासून सीएनजी ( Natural Gas ) च्या किमती वाढल्या आहेत. आता एक किलो सीएनजी गॅससाठी ९५ पैसे अधिक मोजावे लागणार आहेत. दिल्लीत शनिवारी सकाळपासून सीएनजी 79.56 रुपये प्रति किलो दराने उपलब्ध होणार आहे.( Cng Today Price In Delhi )
सीएनजी १२ तासांत दोनदा महागला : शुक्रवारपर्यंत दिल्ली एनसीआरमध्ये सीएनजी 78.61 रुपये प्रति किलो दराने विकला जात होता. सीएनजीच्या दरात शेवटचा बदल ८ ऑक्टोबर रोजी झाला होता. गेल्या वेळी 8 ऑक्टोबर रोजी दिल्लीत सीएनजीच्या दरात प्रति किलो 3 रुपयांनी वाढ करण्यात आली होती. त्यामुळे दिल्लीत सीएनजीची किंमत 78.61 रुपये प्रति किलो झाली होती. इंद्रप्रस्थ गॅस लिमिटेड (IGL) ने 8 ऑक्टोबर रोजी सीएनजीच्या दरात 3 रुपयांनी, त्याआधी 21 मे रोजी 2 रुपयांनी, त्यापूर्वी 15 मे आणि गेल्या 14 एप्रिल रोजी सीएनजी दरात वाढ केली होती. 14 एप्रिल रोजी सीएनजीच्या दरात किलोमागे 2.5 रुपयांची वाढ करण्यात आली होती. 15 मे रोजी सीएनजीच्या दरातही किलोमागे 2 रुपयांची वाढ करण्यात आली होती. त्याचवेळी दिल्लीत एप्रिल महिन्यात सीएनजी १२ तासांत दोनदा महागला. 4 एप्रिल रोजी सकाळी सीएनजीच्या दरात किलोमागे 2.5 रुपयांची वाढ नोंदवण्यात आली. यापूर्वी 3 एप्रिलच्या रात्री सीएनजीच्या दरात 80 पैशांनी वाढ करण्यात आली होती.
देशभरात सीएनजी सेवा केंद्रे : डिझेल आणि पेट्रोल सारख्या इंधनामुळे होणारे प्रदूषण पाहता CNG चा इंधन म्हणून वापर करण्याची कल्पना सर्वप्रथम 1930 साली आली. हा वायू अनेक वर्षांपासून परदेशात वापरला जात आहे. भारताबद्दल बोलायचे झाले तर, गेल्या काही वर्षांपासून या वायूचा इंधन म्हणून वापर होऊ लागला आहे. सीएनजीचे अनेक फायदे आहेत. पर्यावरणाच्या दृष्टीने हा वायू अधिक चांगला मानला जातो. पेट्रोल आणि डिझेलच्या तुलनेत ते कमी कार्बन डायऑक्साइड, नायट्रोजन ऑक्साईड आणि सेंद्रिय वायू उत्सर्जित करते. पेट्रोल आणि डिझेल वाहनांच्या तुलनेत सीएनजीची किंमतही कमी आहे. त्यामुळेच त्याची मागणी हळूहळू वाढत आहे आणि देशभरात सीएनजी सेवा केंद्रे वेगाने सुरू होत आहेत.
