हैदराबाद - आजोबांच्या मोबाईलवर फ्री फायर गेम खेळून उडवले ३६ लाख रुपये

आजोबांच्या मोबाईलवर ऑनलाईन गेम खेळून ३६ लाख रुपये उडवल्याची घटना उघडकीस आली आहे. हैदराबाद येथे ही घटना घडली आहे. सुरुवातीला १५०० रुपये लुटले गेले. त्यानंतर लाखो रुपये या माध्यमातून लुटल्याचे लक्षात आले.

हैदराबाद - एका अल्पवयीन मुलाने आजोबांच्या मोबाईलवर ऑनलाईन गेम खेळून ३६ लाख रुपये उडवल्याची घटना येथे उघडकीस आली आहे. येथील अंबरपेट भागात राहणाऱ्या एका निवृत्त पोलीस अधिकाऱ्याचे नुकतेच निधन झाले. त्याच्या मृत्यूनंतर, त्याच्या मुलीचा मुलगा त्याच्या दिवंगत आजोबांच्या फोनशी खेळला. त्याने फ्री फायर गेम इन्स्टॉल केले. या खेळाला पैसे लागतात. त्याने आपल्या आजोबांचे बँक खाते जे त्याच्या मोबाईलवर होते ते गेमशी जोडले आणि खेळू लागला.

सुरुवातीला तो १५०० रुपये घेऊन खेळला. पुन्हा १० हजार रुपये दराने ६० वेळा खेळला. त्यानंतर फ्री फायर गेमिंग कर्मचार्‍यांनी नेट बँकिंगद्वारे भरपूर पैसे लुटले. त्यांनी एक-एक करत सुरुवातीला 2 लाख रुपये त्यानंतर 1.95 लाख, 1.60 लाख, 1.45 लाख, 1.25 लाख, 50,000 रुपये अशी लूट केली. अशा प्रकारे त्यांनी निवृत्त पोलिसाच्या खात्यातून ३६ लाख रुपयांपर्यंत डल्ला मारला.

त्यानंतर काही दिवसांनी मृत सेवानिवृत्त अधिकाऱ्याचे कुटुंबीय त्यांच्या गरजेसाठी पैसे काढण्यासाठी बँकेत गेले. तिथे त्यांना कळले की त्यांच्या खात्यावर पैसेच नाहीत. त्यांना बँकेच्या व्यवहार विवरणपत्रांच्या मदतीने पेमेंटची माहिती मिळाली. त्यानंतर त्यांनी सायबर क्राईम पोलिसांकडे धाव घेतली. सायबर क्राईम पोलिसांनी गुन्हा दाखल करून तपास सुरू केला आहे.

हेही वाचा - ऑनलाईन सेक्सचा मोह भोवला, व्यापारी 18 हजाराला डुबला