बरेली - बॉलीवूडची प्रसिद्ध गायिका नेहा कक्कर ( Neha Kakkar Brother Shoot Student ) हिचा चुलत भाऊ आणि भाजपचे बरेली महानगर उपाध्यक्ष प्रदीप अग्रवाल ( Pradeep Agrawal ) उर्फ कल्लू याने एका पॉलिटेक्निकच्या विद्यार्थ्यावर गोळी झाडली आहे. प्रदीप अग्रवालच्या कारला विद्यार्थ्याची दुचाकी धडकल्यानंतर हा प्रकार घडला. बुधवारी रात्री उशिरा ही घटना घडली. दरम्यान, पोलिसांनी प्रदीपविरोधात गुन्हा दाखल करून त्याला अटक केली आहे. तसेच आरोपी प्रदीपच्या पत्नीने विद्यार्थ्याविरोधातही तक्रार दाखल केली आहे.
मिळालेल्या माहितीनुसार, भाजप नेता आणि गायिका नेहा कक्करचा चुलत भाऊ प्रदीप अग्रवाल याचा बदायूं रोडवर दोन तरुणांशी वाद झाला. वाद वाढत गेल्याने प्रदीपने रिव्हॉल्वरने विद्यार्थ्यावर गोळी झाडली. पोलिसांनी माहिती मिळताच घटनास्थळी पोहोचून जखमी विद्यार्थ्याला खासगी रुग्णालयात दाखल केले.
पीडित विद्यार्थ्याच्या वडिलांनी सांगितले की, माझा मुलगा मोटारसायकलवरून भावाच्या लग्नाला जात असताना कारने त्याला धडक दिली. यावरून दोघांमध्ये वाद झाला. कार चालकाने माझ्या मुलाला 2 गोळ्या घातल्या. माझ्या मुलाला खासगी रुग्णालयात दाखल करण्यात आले असून, त्याची प्रकृती चिंताजनक आहे.
हेही वाचा - Raj Thackeray : राज ठाकरेंचा अल्टिमेटम : मुंबई पोलीस सज्ज.. ५ मिनिटात पोहोचणार घटनास्थळी
