मुंबई - भारताने अवघ्या विश्वाला दिलेल्या अनेक देणग्यांपैकी एक म्हणजे योग! योग आणि योगाभ्यासाबाबत आंतरराष्ट्रीय स्तरावर जनजागृती करण्यासाठी २१ जून हा दिवस 'आंतरराष्ट्रीय योग दिन' म्हणून साजरा करण्यात येतो... पुढील चार तासात अहमदनगरसह मराठवाड्यात मुसळधार पावसाची शक्यता हवामान विभागाने वर्तवली आहे... कोरोना विषाणुच्या संकटामुळे मुंबईतील सार्वजनिक गणेश उत्सव मंडळांनी यंदाचा उत्सव आरोग्य विषयक काळजी घेऊन साजरा करावा, असे आवाहन मुख्यमंत्री उद्धव ठाकरे यांनी केले... संभाव्य पूरस्थिती लक्षात घेऊन नदीकाठी १५ जुलैपासून एनडीआरएफची पथके तैनात होणार, असे जयंत पाटील यांनी सांगितले, यासह महत्वाच्या टॉप-१० घडामोडी...
- मुंबई - योगाभ्यास हा आपल्याला शारीरिक आणि मानसिक संतुलन राखण्यासाठी मदत करतो. अध्यात्म आणि विज्ञान यांचा संतुलित संगम म्हणजेच योग. भारताने अवघ्या विश्वाला दिलेल्या अनेक देणग्यांपैकी एक म्हणजे योग! योग आणि योगाभ्यासाबाबत आंतरराष्ट्रीय स्तरावर जनजागृती करण्यासाठी २१ जून हा दिवस 'आंतरराष्ट्रीय योग दिन' म्हणून साजरा करण्यात येतो.
सविस्तर वाचा - International Yoga Day २०२० : जाणून घ्या आंतरराष्ट्रीय योग दिनाविषयी...
- मुंबई- पुढील चार तासात अहमदनगरसह मराठवाड्यात मुसळधार पावसाची शक्यता हवामान विभागाने वर्तवली आहे. अहमदनगर, बीड, औरंगाबाद, जालना, उस्मानाबाद, परभणी आणि लातूर या जिल्ह्यात मेघगर्जनेसह तीव्र पाऊस पडेल, अशी माहिती कुलाबा प्रादेशिक हवामान विभागाचे उपसंचालक के. एस. होसाळीकर यांनी ट्विट करुन दिली आहे.
सविस्तर वाचा - पुढील चार तासात मराठवाड्यात मेघगर्जनेसह पावसाची शक्यता...
- मुंबई - कोरोना विषाणुच्या संकटामुळे मुंबईतील सार्वजनिक गणेश उत्सव मंडळांनी यंदाचा उत्सव आरोग्य विषयक काळजी घेऊन साजरा करावा, असे आवाहन मुख्यमंत्री उद्धव ठाकरे यांनी केले आहे. तसेच यंदाचा उत्सव मर्यादित स्वरुपात साजरा होत असला, तरी पुढील वर्षी मात्र गेल्यावर्षीच्या उत्सवापेक्षा अधिक उत्साहात आणि भव्य-दिव्य असा साजरा करण्याचे प्रयत्न करू, असा विश्वासही मुख्यमंत्री ठाकरे यांनी व्यक्त केला.
सविस्तर वाचा - गणेशोत्सव साजरा करण्याबाबत मुख्यमंत्री ठाकरेंचा मोठा निर्णय; म्हणाले...
- सांगली - केवळ जलसंपदा खात्याचे प्रेझेंटेशन आणि आपण काही तर वेगळे करत आहोत, हे दाखवण्याचे काम जलसंपदा मंत्र्यांनी सांगलीत पूरस्थिती बैठक घेऊन केला आहे, असा आरोप करत भाजप आमदार गोपीचंद पडळकर यांनी त्याचा निषेध नोंदवला आहे. यासोबत त्यांनी सांगली जिल्ह्यातील पूर नियोजन बाबतीत कोणत्याही प्रकारचे नियोजन केले नसल्याचे म्हटले आहे. या दरम्यान पडकर आणि जलसंपदा मंत्री जयंत पाटील यांच्यात तू-तू मै-मै झाली.
सविस्तर वाचा - जलसंपदा मंत्री जयंत पाटील आणि भाजप आमदार गोपीचंद पडळकर यांच्यात तू-तू-मै-मै
- सांगली - संभाव्य पूरस्थिती लक्षात घेऊन नदीकाठी १५ जुलैपासून एनडीआरएफची पथके तैनात होणार असून अलमट्टी धरणातून पाणी विसर्ग नियोजनाबाबत पुढील आठवड्यात कर्नाटक सरकारशी चर्चा करण्यात येणार असल्याचे जलसंपदा मंत्री जयंतराव पाटील यांनी स्पष्ट केले आहे. तसेच वडनेरे समिती आणि लोकप्रतिनिधी यांनी सुचवलेल्या उपाय नुसार काम केले जाईल, असा विश्वासही मंत्री पाटील यांनी व्यक्त केला आहे. सांगलीमध्ये आयोजित सांगली, कोल्हापूर आणि सातारा जिल्ह्यातील पूरस्थिती आढावा बैठक प्रसंगी बोलत होते.
सविस्तर वाचा - १५ जुलैपासून नदीकाठी एनडीआरएफ पथके तैनात होणार - जयंत पाटील
- मुंबई - महाराष्ट्र आणि मुंबई शहरातील कोरोनाची स्थिती दिवसेंदिवस दाहक होत असून, एकूणच आरोग्यव्यवस्थेवर मोठा ताण आला आहे. कोरोना बळींच्या संख्येत सुद्धा पारदर्शकता नाही. या सर्व बाबींकडे मुख्यमंत्री उद्धव ठाकरे यांनी तातडीने लक्ष द्यावे, अशी विनंती करणारे पत्र माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांनी पाठविले आहे.
सविस्तर वाचा - महाराष्ट्रातील कोरोना संकटावरून देवेंद्र फडणवीसांचे मुख्यमंत्र्यांना पत्र; 'या' समस्यांकडे वेधलं लक्ष
- मुंबई- राज्यभरात कोरोनाचा झपाट्याने प्रसार वाढत आहे. शनिवारी ३८७४ नवीन रुग्णांची वाढ झाली आहे. तर १६० रुग्णांचा मृत्यू झाला आहे. मृत्यूंपैकी १३६ रुग्ण मुंबईतील आहेत. सध्या राज्यात ५८ हजार ५४ रुग्णांवर (ॲक्टीव्ह) उपचार सुरू आहेत. तर १३८० रुग्णांनी शनिवारी कोरोनावर मात केली आहे, अशी माहिती आरोग्यमंत्री राजेश टोपे यांनी दिली.
सविस्तर वाचा - कोरोना अपडेट: महाराष्ट्रात शनिवारी ३८७४ नवे रुग्ण, १६० जणांचा मृत्यू
- अमरावती- राज्यात विधान परिषदेच्या राज्यपाल नियुक्त १२ जागेसाठी निवडणूक होऊ घातली आहे. राष्ट्रवादीच्या कोट्यातून स्वाभिमानी शेतकरी संघटनेचे राजू शेट्टी यांना उमेदवारी मिळणार असल्याच्या बातम्या येत आहेत. मात्र, यावरुन शेट्टी यांच्या संघटनेमध्ये नाराजी नाट्य सुरू झाले आहे. आमदार देवेंद्र भुयार हे देखील संघटनेवर व राजू शेट्टी यांच्यावर नाराज असल्याचे पुढे आले आहे. स्वाभिमानी शेतकरी संघटनेत मनभेद नसले तरी मतभेद असल्याची खंत भुयार यांनी 'ईटीव्ही भारत'शी बोलताना व्यक्त केली.
सविस्तर वाचा - 'संघटनेतील नाराजी नाट्य हा संपूर्ण नियोजित कार्यक्रम'
- सोलापूर - महानगरपालिकेतील 107 नगरसेवकांना कोरोना आपातकालीन परिस्थितीत काम करताना शासनस्तरावरील 50 लाखांचा विमा उतरविण्यात यावा, अशी मागणी सोलापुरातील नगरसेवक करत आहेत. अशा आशयाचे निवेदन नगरसेविका अनुराधा काटकर यांनी सोलापूर जिल्ह्याचे पालकमंत्री दत्तात्रय भरणे, सोलापूरचे जिल्हाधिकारी आणि महापालिका आयुक्त यांना दिले आहे.
सविस्तर वाचा - आम्हालाही 50 लाखांचे विमा कवच द्या, सोलापुरातील नगरसेवकांची मागणी
- मुंबई - दिवसेंदिवस मुंबईत कोरोनाचे रुग्ण वाढत असताना रुग्णालये कमी पडू लागली आहेत. रुग्णालये कमी पडू लागल्याने पालिकेने मोकळ्या जागा, रिक्त असलेल्या वास्तूमध्ये कोरोना केअर सेंटर आणि रुग्णालय सुरू करण्यास पुढाकार घेतला आहे. याचाच एक भाग म्हणून पालिकेने भायखळा पूर्व परिसरातील केंद्र सरकारच्या 'रीचर्डसन आणि क्रुडास' कंपनीच्या परिसरात महापालिका अभियंत्यांनी केवळ १५ दिवसात ३०० 'ऑक्सिजन बेड' सह १ हजार खाटांचे जम्बो फॅसिलिटी' कोविड उपचार केंद्र उभारले आहे. त्याचे काम अंतिम टप्प्यात असल्याचे पालिका प्रशासनाने कळविले आहे.
सविस्तर वाचा - मुंबई पालिका अभियंत्यांनी उभारले १ हजार खाटांचे कोरोना उपचार केंद्र
