छपरा - बिहारमधील बनियापूर ठाणे क्षेत्रातील पिठौरी नंदलाल टोला गावात जमावाच्या मारहाणीत तिघांचा मृत्यू झाल्याची धक्कादायक घडली आहे. पोलिसांनी याप्रकरणी कारवाई करताना तिघांना अटक केली आहे.
जनावरे चोरीच्या संशयावरुन बिहारमध्ये जमावाने केलेल्या मारहाणीत तिघांचा मृत्यू
चोरीच्या आरोपावरुन स्थानिकांनी केली मारहाण
स्थानिकांनी दिलेल्या माहितीनुसार, पिकअप वाहनातून गावात चोरी करण्यासाठी चोर आले होते. नागरिकांकडील जनावरे चोरण्याचा ते प्रयत्न करत होते. यादरम्यान, एका स्थानिकाने त्यांना हटकताना मारहाण सुरू केली. यानंतर, गावातील नागरिकांना गोळा होत त्यांना जबर मारहाण केली. यामध्ये एकाचा जागीच मृत्यू झाला. तर, रुग्णालयात उपचार घेताना दोघांचा मृत्यू झाला.
