हरिद्वार- निकिता हत्याप्रकरणी संपूर्ण देशात संतापाची लाट आहे. या प्रकरणाला लव जिहादशी देखील जोडले जात आहे. अशातच विश्व हिंदू परिषदेच्या नेत्या साध्वी प्राची आणि काही हिंदू संघटनांनी चंद्राचार्य चौकात धर्म परिवर्तन विरोधात जोरदार निषेध नोंदवला. तसेच, सरकराने लव जिहाद विरोधात कठोर कायदा बनवण्याची मागणी केली. यावेळी साध्वी प्राची यांनी लव्ह जिहाद प्रकरणी काँग्रेसवर गंभीर आरोपही लावले.
देशात लव्ह जिहादाच्या घटनांनी काही भागात कळस गाठला आहे. यात मुलींना फूस लावून त्यांचे धर्म परिवर्तन केले जाते. जर कुण्या मुलीने नकार दिला तर तिला ठार मारले जाते. त्यामुळे, निकितासारख्या अन्य मुली याला बळी पडू नये यासाठी सरकारने लव्ह जिहादविरोधात कठोर कायदा बनवावा, अशी मागणी साध्वी प्राची यांनी केली.
दरम्यान, प्राची यांनी लव्ह जिहादविषयी काँग्रेसलाही धारेवर धरले. राहुल गांधी आणि प्रियांका गांधी यांचे नाव न घेता, काँग्रेसचे बंटी आणि बबली हे हाथरसला येतात, मात्र त्यांना वल्लभगड दिसत नाही, असे म्हणत प्राची यांनी, काँग्रेसही लव्ह जिहादला प्रोत्साहन देत असल्याचा आरोप केला.
हेही वाचा- यूपीनंतर हरियाणातही बनणार लव्ह जिहादविरोधी कायदा.. खट्टर सरकारने दिले संकेत
