त्रिशूर - लग्न करण्यासाठी वयाची कोणतीच मर्यादा नसते हे केरळमधील एका जोडप्याने सत्यामध्ये उतरवले आहे. शहरामधील शासकीय वृद्धाश्रमामधील कोचानियन मेनन (67) आणि लक्ष्मी अम्मालू (66) यांचा आज विवाह पार पडला.
कोचानियन मेनन आणि लक्ष्मी हे दोघेही बऱ्याच वर्षापासून एकमेंकाना ओळखतात. लक्ष्मी यांचे कोचानियन हे लक्ष्मी अम्माल यांचे दिवंगत पती कृष्णअय्यर यांचे सहाय्यक होते. कृष्णअय्यर यांच्या मृत्यूनंतर कोचानियन यांनी वेळोवेळी लक्ष्मी यांना मदत केली. कोचानियन यांनी लक्ष्मी यांना रामवर्मपुरम वृद्धाश्रमात सुखरुप सोडले. त्यानंतर त्या दोघांची 5 वर्षे भेट झाली नाही. काही वर्षांनंतर ते रामवर्मपुरम वृद्धाश्रमात एकमेकांना भेटले आणि त्यांनी लग्न करण्याचा निर्णय घेतला.
हेही वाचा - वर्षभरात सोशल मिडीयावर गाजलेल्या महत्वाच्या घडामोडींचा आढावा...
शुक्रवारी मेंहदीचा कार्यक्रमानंतर आज कोचानियन आणि लक्ष्मी अम्मालू यांचा रामवर्मपुरम वृद्धाश्रमात हिंदू पद्धतीने विवाह झाला आहे. कृषी मंत्री व्ही.एस सुनिल कुमार यांनी या लग्नात उपस्थिती लावली. तसेच कुमार यांनी फेसबुक पेजवर लग्नाची छायाचित्रे शेअर करून दोघांना शुभेच्छा दिल्या आहेत.
