हैदराबाद - संपूर्ण जगभरात सध्या कोरोनाने थैमान घातले आहे. या विषाणूला लढा देण्यात जगभरातील डॉक्टर आणि वैद्यकीय कर्मचारी आपले प्राण पणाला लावत आहेत. यातच हैदराबादचे एक कुटुंबही सामील आहे. विशेष म्हणजे या कुटुंबातील सर्व लोक डॉक्टर आहेत. सध्या ते सर्व कोरोनाशी लढा देण्यात सहभागी आहेत.
शहरातील छातीच्या दवाखान्याचे अधीक्षक असलेले डॉ. महबूब खान हे श्वसानासंबंधी आजाराचे विशेषज्ञ आहेत. सध्या ते रुग्णालयात दाखल केल्या जाणाऱ्या कोरोनाच्या रुग्णांवर उपचार करत आहेत. इंडोनेशियामधील नऊ नागरिकांवर याबाबत उपचार करण्यामध्ये त्यांचा मोलाचा वाटा आहे.
त्यांच्या पत्नीही डॉक्टर असून, शहरातील गांधी रुग्णालयात त्या त्वचारोगतज्ज्ञ म्हणून कार्यरत आहेत. डॉ. शहाना खान या सध्या गांधी रुग्णालयाच्या कोरोना विशेष कक्षामध्ये कार्यरत आहेत. तसेच या दाम्पत्याची मुलगीही डॉक्टर असून, शहरातील एका रुग्णालयात त्या शल्यविशारद आहेत. आपल्या आईवडिलांप्रमाणेच त्याही सध्या कोरोनाशी संबंधित रुग्णांवर उपचार करत आहेत.
भारतातील वैद्यकीय कर्मचाऱ्यांचे एक आदर्श उदाहरण म्हणून या कुटुंबाकडे पाहिले जात आहे.
हेही वाचा : 'कोरोनासाठी मोठ्या स्तरावर लोकांच्या चाचण्या करा !
