नवी दिल्ली - जम्मू-काश्मीरसंबंधी आज गृह मंत्रालयाची एक उच्चस्तरीय बैठक होणार आहे. गृह सचिवांच्या अध्यक्षतेखाली बैठक होणार असून यात भारत सरकारचे सचिव स्तरावरील अधिकारी सहभागी होतील.
गृह सचिव अजय कुमार भल्ला या बैठकीच्या अध्यक्षस्थानी असतील. बैठकीत जम्मू-काश्मीर पुनर्रचना विधेयक 2019 कार्यान्वित होण्यावर चर्चा होईल. यामध्ये जम्मू-काश्मीरचे अतिरिक्त सचिवही सहभागी होतील.
५ ऑगस्टला जम्मू-काश्मीरला विशेष दर्जा देणारे आर्टिकल 370 रद्द करण्यात आले. तसेच, जम्मू-काश्मीरची पुनर्रचनेचे विधेयकही मांडण्यात आले. जम्मू-काश्मीरचा राज्याचा दर्जा रद्द करून जम्मू-काश्मीर आणि लडाख या नव्या केंद्रशासित प्रदेशांची निर्मिती करण्यात आली.
