कुल्लू - हिमाचल प्रदेशातील कुल्लू जिल्ह्यातील बंजारजवळ एक खासगी बस ५०० फूट दरीत कोसळली. बंजारपासून एक किलोमीटरवरील भियोठ वळणावर हा अपघात घडला. या अपघातात ४३ जणांचा मृत्यू झाला आहे. तर, ३५ जण गंभीर जखमी झाले आहेत. बसमध्ये जवळपास ७० च्या आसपास प्रवासी असल्याची शक्यता व्यक्त केली जात आहे.
कुल्लू अपघात
ही बस प्रवाशांना घेऊन कुल्लू येथून गाडागुशैणी येथे निघाली होती. या अपघातात अनेकजण जखमी झाले आहेत. जखमींना दरीतून बाहेर काढण्यासाठी पोलीस आणि स्थानिक लोक घटनास्थळी पोहोचले आहेत. जखमींना रुग्णालयात नेले जात आहे.
