सरायकेला - झारखंड येथे सरायकेला जिल्ह्यातील चाईबासा तिरुलडीह पोलीस ठाणे क्षेत्रात मोठा नक्षलवादी हल्ला झाला. नक्षलवाद्यांनी कुकडु साप्ताहिक हाट येथे ५ ते ६ पोलिसांवर गोळीबार केला. यामध्ये ५ पोलिसांना जागीच वीरमरण आले. तर, या घटनेनंतर १ पोलीस घटनास्थळावरुन गायब आहे.
वीरमरण आलेले पोलीस जवान
वीरमरण आलेल्या जवानांमध्ये २ एएसआय आणि ३ कॉन्स्टेबलचा समावेश आहे. या भागात महाराज प्रामाणिक दस्ता आणि पीएलएफआयचे नक्षलवादी सक्रीय आहेत. आश्चर्याची बाब म्हणजे आतापर्यंत एकही मोठा पोलीस अधिकारी घटनास्थळी दाखल झाला नाही.
