नवी दिल्ली / गाझियाबाद - गाझियाबादमध्ये राहणाऱ्या महिला शिक्षिकेने मृत्यूनंतरही अनेकांना नवीन आयुष्याचा प्रकाश दिला. तसेच, या महिला शिक्षिकेने आणि तिच्या कुटुंबाने धार्मिक बंधुतेचे एक उदाहरणही ठेवले. रफत परवीन (वय 41) असे या मुस्लीम शिक्षिकेचे नाव असून त्यांनी आपल्या मृत्यूपूर्वी देहातील अवयव गरजूंना दान केले.
२ जणांना मिळाली दृष्टी, इतरांना जीवनदान
अलीकडेच त्या गाझियाबादमधील त्यांच्या कुटुंबीयांकडे आल्या होत्या. 19 डिसेंबरला रफत यांना तीव्र डोकेदुखी सुरू झाली आणि त्यांना वैशालीच्या मॅक्स रुग्णालयामध्ये दाखल केले. उपचारादरम्यान त्याचा मृत्यू झाला. पण मृत्यू होण्यापूर्वी त्यांनी शेवटची इच्छा व्यक्त केली होती. अवयवदानाचा निर्णय त्यांनी आपल्या कुटुंबीयांना सांगितला. कुटुंबीयांनीही यासंदर्भात संमती दर्शवत रफत यांचे अवयव मृत्यूनंतर दान करण्याचा निर्णय घेतला.
हेही वाचा - मुदत संपलेल्या वाहनांच्या कागदपत्रांची वैधता वाढवण्याचा निर्णय, 31 मार्चपर्यंत मुदतवाढ
मॅक्स रुग्णालयाच्या डॉ. निधी यांच्या मते, रफत यांच्या निधनानंतर त्यांचे मूत्रपिंड, यकृत आणि हृदय अशा गरजू लोकांना उपयुक्त ठरले ज्यामुळे त्यांचे प्राण वाचले. त्याच्या डोळ्यांनी 2 लोकांना जीवनाचा नवीन प्रकाश दिला.
सर्वात मोठी गोष्ट ही आहे की, ज्या लोकांमध्ये रफत यांच्या अवयवांचे प्रत्यारोपण केले गेले आहे, ते सर्व हिंदू कुटुंबातील आहेत. साहजिकच, रफत आणि त्याच्या कुटुंबीयांनी धार्मिक बंधुतेचे उत्तम उदाहरण मांडले आहे.
मानवतेच्या निर्णयामुळे पुन्हा जीवन मिळाले
ज्यांना रफत आणि त्यांचा मानवतापूर्ण निर्णयामुळे पुन्हा जीवन मिळू शकले, ते आणि त्यांचे कुटुंबीय रफतचे आणि त्यांच्या कुटुंबीयांचेही आभार मानत आहेत. यातील एक जण आहेत सुमन कुमार. रफत यांचे मूत्रपिंड सुमन यांची पत्नी महुआ यांच्यात प्रत्यारोपित केले गेले आहे.
रक्ताचा रंग केवळ मानवतेच्या रंगानेच ओळखला जातो
ही सर्व घटना पाहता, रफत त्यांच्या मृत्यूनंतरही इतरांसाठी एक उदाहरण बनल्या आहेत. त्यांची सर्वत्र चर्चा होत आहे. रक्ताचा रंग केवळ माणुसकीच्या रंगानेच ओळखला जातो, हे रफत आणि त्यांच्या कुटुंबीयांनी सिद्ध केले आहे.
हेही वाचा - गुजरात एटीएसकडून दाऊद इब्राहिमच्या साथीदाराला अटक
