नवी दिल्ली - दिल्ली पोलिसांच्या पीसीआर मोबाईल पेट्रोलिंग टीमने सतर्कता दाखवत आत्महत्या करण्यास जाणाऱ्या गर्भवती महिलेचा जीव वाचविला. ही घटना ईस्ट रोहतास नगर
मध्ये घडली.
पीसीआर डीसीपी शरत कुमार सिन्हा यांनी दिलेली माहिती अशी, की ईस्ट रोहतास नगरमध्ये पेट्रोलिंग करणाऱ्या एएसआई तेज सिंह, हवालदार पुष्पेंद्र आणि हरेंद्र यांच्या टीमला एक पीसीआर कॉल मिळाला. एक गर्भवती महिलेचे सासरच्या लोकांसोबत भांडण झाले होते. यामुळे कारण ती घरातच फाशी घेऊन आत्महत्या करण्याचा प्रयत्न करत आहे.
ही माहिती मिळताच पेट्रोलिंग टीम घटनास्थळी पोहोचली. त्या नंतर या टीमने फाशी घेत असलेल्या महिलेला फासावरुन खाली उतरवले. तीची परिस्थिती यावेळीक्षखुप नाजुक होती. पीसीआर स्टाफने तीला तत्काळ आपल्या गाडीतून रुग्णालयात उपचारासाठी दाखल केले.
डॉक्टरांच्या उपचारानंतर तिच्या तब्बेतीत सुधारणा झाली. पीसीआर टीमने या घटनेची माहिती स्थानीक पोलिसांना दिली. या घटनेचा पुढील तपास आता ते करणार आहेत.
