कोची - जगभरात कोरोना विषाणूची दहशत पसरत असताना आता भारतातही कोरोनाचे रुग्ण आढळले आहेत. आत्तापर्यंत देशात ५७ रुग्णांना कोरोनाची लागण झाली आहे. या विषाणूच्या वाढत्या भीतीमुळे सरकारने केरळमध्ये ३१ मार्चपर्यंत सिनेमागृह बंद ठेवण्याचे आदेश देण्यात आले आहेत.
मुख्यमंत्री पिनाराई विजयन यांनी मंगळवारी पत्रकार परिषदेत ही माहिती दिली. सिंगल स्क्रिन्स, मल्टीप्लेक्सेस सोबतच केंद्रिय बोर्डच्या शाळा देखील काही काळासाठी बंद करण्यात आल्या आहेत. मीडिया रिपोर्टनुसार, मंगळवार पर्यंत कोरोनाचे १२ रुग्ण समोर आले आहेत. त्यामुळे खबरदारी बाळगण्याचा सूचना दिल्या आहेत.
हेही वाचा -COVID -19 : जयपूर, पुणे अन् केरळमध्ये आढळले नवे रुग्ण; देशात कोरोनाग्रस्तांची संख्या ५९ वर
कलाविश्वाला कोरोना विषाणूचा चांगलाच फटका बसल्याचे दिसून येत आहे. कोरोनाच्या भीतीमुळे बऱ्याच चित्रपटांच्या प्रदर्शनाच्या तारखा बदलण्यात आल्या आहेत. तसेच काही सेलिब्रेटींनी आपले विदेश दौरे देखील रद्द केले आहेत.
