गाजियाबाद- शहरातील वाढत्या गुन्हेगारीला आळा घालन्यासाठी शहर पोलिसांनी कृती योजना आखली होती. या पार्श्वभूमीवर पोलिसांनी कुख्यात गुंडांचा खातमा करण्यास सुरूवात केली होती. त्यानुसार पोलिसांनी आज दोन ठिकाणी एनकाउंटर घडवून आणले. यात दोन गुन्हेगार व एक पोलीस कर्मचारी जखमी झाले आहेत.
गुरूवारपासून पोलिसांनी शहरात एनकाउंटरचा सपाटा लावला आहे. शुक्रवारी रात्री पर्यंत पोलिसांनी ५ एनकाउंटर घडवून आणली होती. यात पोलिसांनी ३६ तासात ५ बदमाशांना जेरबंद केले होते. शनिवारी सुद्धा दोन ठिकानी एनकाउंटर झालीत. पहिल्या एनकाउंटर कवीनगर येथे झाला. पोलिसांना पाहताच नविन या गुंडाने त्यांच्यावर गोळीबारी केली व तेथून पळण्याचा प्रयत्न केला. पोलिसांनी सुद्धा त्याच्यावर गोळीबारी केली व त्याला पकडले. मात्र, या कारवाईत एक पोलीस हवालदार जखमी झाला होता. कुख्यात गुंड नईम याच्यावर २५ हजाराचे बक्षीस आहे.
या घटनेच्या एका तासानंतर सिहानी गेट परिसरातील राजनगर एक्सटेंशन येथे सुद्धा पोलीस आणि गुंडांमध्ये चकमक झाली. यात सोहेल नावाचा गुंड हा चोरी करून पळत होता. दरम्यान पोलीस दिसताच सोहेल याने त्यांच्यावर गोळीबार सुरु केला. पोलिसांनीही त्याच्यावर गोळीबारी सुरू केली. या चकमकीत सोहेल जखमी झाला. त्याला नंतर रूग्नालयात उपचारार्थ दाखल करण्यात आले होते. शहरातील गुन्हेगारीला आळा घालण्यासाठी पोलिसांनी ही कारवाई सुरू केली आहे. या कारवाईंमुळे गुंडांमध्ये दहशतीचे वातावरण पसरले आहे. पोलिसांकडून आतापर्यंत ६० तासात ७ एनकाउंटर केली गेली आहेत.
