बीजापूर - छत्तीसगडमधील बीजापूरमध्ये २ माओवाद्यांता खात्मा केल्यानंतर सुरक्षा दलांना आणखी एक मोठे यश मिळाले आहे. एक लाख रुपयांचे इनाम असलेल्या महिला माओवाद्यासह १५ माओवाद्यांनी आत्मसमर्पण केले आहे.
आत्मसमर्पण करणाऱ्या १५ माओवाद्यांमध्ये ३ पुरुषांनी ३ भरमार बंदूकींसह समर्पण केले. आत्मसमर्पित माओवाद्यांमध्ये एक सीएनएम अध्यक्ष, ५ मिलिशिया सदस्य, ८ डीकेएएमएस अध्यक्ष आणि एका आरपीसी सदस्याचा समावेश आहे.
या माओवाद्यांनी बीजापूरचे पोलीस अधीक्षक गोवर्धन ठाकूर आणि सीआरपीएफ ८५ बटालियनचे कमांडिंग ऑफिसर सुधीर कुमार यांच्यासमोर आत्मसमर्पण केले.
