बैतुल - मध्यप्रदेशच्या बैतुल जिल्ह्यामध्ये मुली आणि महिलांसमोर अश्लील कृत्य करणाऱ्यास दोन गावकऱ्यांनी एका मध्यमवयीन व्यक्तीला पेटवून ( Man Privates Parts set on Fire ) दिले. ही घटना बैतूल जिल्ह्यातील बिजादेही पोलीस स्टेशन हद्दीतील काजली गावातील आहे. याप्रकरणी पोलिसांनी दोन्ही गावकऱ्यांना अटक ( Two Men Arrested ) केली आहे. ती व्यक्ती मानसिकदृष्ट्या बिघडल्याचे सांगण्यात येत आहे.
पेट्रोल टाकून आग - तरुणी व महिलांसमोर नग्न होऊन अश्लील कृत्य करणाऱ्या या व्यक्तीवर गावकरी संतप्त झाले. शनिवारी दोन गावकऱ्यांनी त्याची पॅन्ट जबरदस्तीने काढून त्याच्या गुप्तांगावर पेट्रोल टाकून पेटवून दिले. त्यात तो गंभीर भाजला. गंभीर भाजलेल्या या व्यक्तीला चिचोली येथील सामुदायिक आरोग्य केंद्रात दाखल करण्यात आले. तिथे त्याच्यावर उपचार सुरू आहेत.
अनेकदा बजावले होते - पोलीस अधीक्षक सिमला प्रसाद यांनी माहिती देताना सांगितले की, "हा व्यक्ती मुली आणि महिलांसमोर नग्न होऊन अश्लील कृत्ये करायचा, असे गावकऱ्यांचे म्हणणे आहे. त्याच्या या कृत्याने गावकरी चांगलेच संतापले आणि त्यांनी त्याला अनेकदा समजवण्याचा प्रयत्न केला, पण काही उपयोग झाला नाही.
दोन आरोपींना अटक : या प्रकरणी सुदेश कवडे आणि कृष्णा उईके या दोन आरोपींना अटक करण्यात आली आहे. त्यांच्यावर गुन्हा दाखल करण्यात आला आहे. या घटनेत गंभीररित्या भाजलेल्या व्यक्तीची प्रकृती धोक्याबाहेर आहे.
हेही वाचा - Abdul Sattar in trouble : अब्दुल सत्तार अडचणीत? दोन्ही मुलींची टीईटी प्रमाणपत्रे रद्द केल्याची चर्चा
