बाराबंकी येथे सोमवारी डबलडेकर बसच्या भिषण अपघातात ( Barabanki Road Accident ) आठ जणांचा मृत्यू ( Eight Died ) झाला आहे. 15 हून अधिक प्रवासी या दुर्घटनेत जखमी झाले आहेत. लोणी कटरा पोलीस स्टेशनच्या त्रिवेदी गंज भागातील पूर्वांचल एक्सप्रेसवेवर ही घटना घडल्याचे सांगण्यात आले. दोन बसची धडक झाल्याने हा अपघात घडला.
पोलिसांनी दिलेल्या माहितीनुसार मृतांमध्ये 1 महिला, एक 14 वर्षांचा मुलगा आणि 6 पुरुषांचा समावेश आहे. ही डबल डेकर बस बिहारहून दिल्लीला येत होती. गंभीर जखमी झालेल्या १३ जणांना हैदरगढ सामुदायिक आरोग्य केंद्रातून लखनौला पाठवण्यात आले आहे. मुख्यमंत्री योगी आदित्यनाथ यांनी अपघातावर शोक व्यक्त केला आहे.
राजधानी लखनौपासून 27 किमी अंतरावर असलेल्या बाराबंकी येथील पूर्वांचल एक्सप्रेसवेवर डबल डेकर बसचा हा अपघात झाला. या अपघातात 8 जणांना आपला जीव गमवावा लागला. लोणी कटरा पोलीस स्टेशनच्या त्रिवेदी गंज परिसरात हा अपघात झाला. दोन बसच्या धडकेने ही घटना घडल्याचे सांगण्यात येत आहे.
