भोपाळ - मुस्लिम समाजाचा सर्वात महत्वाचा सण बकरी ईंद जवळ आला आहे. ( Bakrid 2022 ) त्यासाठी 3 दिवस चालणाऱ्या बकऱ्यांचा बाजारही गजबजला आहे. भोपाळ हे असे शहर आहे, जिथे लोक बकरीला जास्त किंमत मिळवण्यासाठी मोठ्या आवडीने बकऱ्यांचे पालनपोषण तर करतात, पण या बकऱ्यांचा विशेष आहारही ठेवतात. काजू, बदाम, तूप, लोणी आणि आयुर्वेदिक औषधी वनस्पती खाल्ल्याने या बकऱ्या मजबूत झाल्यामुळे त्यांची किंमतही लाखोंच्या घरात आहे. त्यामुळेच भोपाळच्या बकरी बाजारात मुंबई, पुण्यासह इतर शहरांतील खरेदीदार ही येथे पोहोचतात. भोपाळमध्ये आयोजित जत्रेच्या पहिल्या दिवशी बकरीदला कुर्बानीसाठी एक बोकड 7 लाख रुपयांना विकला गेला आहे. ( Bhopal Goat Titan worth 7 lakh )
भोपाळ बकरी फार्म दरवर्षी या कार्यक्रमाचे आयोजन करत - भोपाळ येथे बकरी पालन संस्था, भोपाळ बकरी फार्म दरवर्षी या कार्यक्रमाचे आयोजन करत असते. त्यांचा सन्मान करण्यासाठी, यावेळी कार्यक्रमाचे मुख्य आकर्षण टायटन नावाची बकरी होती. जी पुण्यातील एका व्यावसायिकाने 7 लाखांना विकत घेतली होती. 200 किलो वजनाची ही बकरी टायटन कोटा प्रजातीची आहे. जी 7 लाख रुपयांना विकली गेली. देशातील सर्वात महाग बकरी भोपाळमध्ये विकली जात आहे. ( Country most expensive goat sold in Bhopal )
बकऱ्यांच्या आहाराची आणि आरोग्याची घेतली जाते काळजी - बकरे बाजारात आणण्याच्या काही महिन्यांपूर्वी अनेकजण या बोकडांची खरेदी करतात. त्यानंतर त्यांना खास आहार, सुका मेवा, तूप, लोणी, हर्बल उत्पादने खायला दिली जातात. त्यानंतर या बकरे, मजबूत आकार आणि मांसाने भरून बाजारात आणल्या जातात. जेणेकरून त्यांना चांगली किंमत मिळेल. आजारी बकऱ्यांचा बळी दिला जात नसल्याने बकऱ्यांच्या आरोग्याचीही काळजी घेतली जाते, असे बकरी पालनाशी संबंधित लोकांचे म्हणणे आहे. या कार्यक्रमात जास्तीत जास्त वजनाच्या बकर्‍याचाचाही समावेश करण्यात आला. यापैकी भोपाळच्या टायटन बकरीने हे विजेतेपद पटकावले आहे. याशिवाय भोपाळचा गुंडा आणि तैमूर जवळपास 4.5 लाखांची किंमत मिळवून, दुसऱ्या आणि तिसऱ्या क्रमांकावर आहेत.
आहारात 2 लिटर दूध आणि 50 ग्रॅम शुद्ध तूप - 7 लाखांना विकले जाणारे टायटन पुणे येथील मजखान याने विकत घेतले असून, याआधीही तो भोपाळमधून काही बकरे घेऊन येत होता. गोट फार्मच्या लोकांनी सांगितले की टायटन तयार करण्यासाठी सर्वात महत्वाची गोष्ट म्हणजे त्याचा आहार. टायटनच्या आहारात दररोज 2 लिटर दूध, 50 ग्रॅम शुद्ध तूप, देशी हरभरा, कॉर्न आणि बटर यांचा समावेश होतो. याशिवाय टायटनला निरोगी ठेवण्यासाठी वनौषधी देखील खायला दिल्या जातात. ज्यामुळे त्याचे आरोग्य चांगले राहते आणि तो निरोगी राहतो. (Country most expensive goat sold in Bhopal )
हेही वाचा - माजी परिवहन मंत्री अनिल परब यांच्याविरोधात उच्च न्यायालयात जनहित याचिका दाखल
