भोपाळ/सोलापूर : भोपाळ जिल्हा न्यायालयात BHOPAL NIA COURT एनआयएच्या विशेष न्यायालयाने शुक्रवारी सिमीच्या दहशतवाद्यांना शिक्षा सुनावली. या दहशतवाद्यांना 2013 मध्ये मध्य प्रदेशच्या सेंधवा सीमेवर एनआयएने चकमकीनंतर अटक केली होती. हे दहशतवादी भोपाळ सेंट्रल जेलमध्ये बराच काळ बंद होते. त्याची शिक्षा आज जाहीर करण्यात आली. यामध्ये सिमीच्या चार दहशतवाद्यांना जन्मठेपेची life imprisonment शिक्षा सुनावण्यात आली आहे. पोलिसांनी आज कडक बंदोबस्तात केवळ दोन दहशतवाद्यांना न्यायालयात हजर केले, उर्वरित दोन आरोपी तुरुंगात होते.
जन्मठेप 2 ते 10 वर्षांची शिक्षा : सन 2013 मध्ये सेंधवा येथून अटक करण्यात आलेल्या सिमीच्या 2 दहशतवाद्यांना जन्मठेपेची तर 2 दहशतवाद्यांना 10 वर्षांच्या कारावासाची शिक्षा सुनावण्यात आली आहे. सिमीच्या चार दहशतवाद्यांमध्ये सिमीचा मास्टर माईंड अबू फजल याचाही समावेश आहे. या संपूर्ण प्रकरणात न्यायालयाने उमर आणि सादिक या दहशतवाद्यांना तिहेरी जन्मठेपेची शिक्षा सुनावली आहे. या दहशतवाद्यांना कलम 16 आणि 4/5 UAPA कायद्यानुसार तिहेरी जन्मठेपेची शिक्षा सुनावण्यात आली आहे.
खांडवा तुरुंगातून पळाले होते दहशतवादी : या संपूर्ण प्रकरणात एडीपीओ विक्रम सिंह यांनी सांगितले की, हे सर्व आरोपी खांडवा तुरुंगात बंद आहेत आणि हे लोक खांडवा तुरुंगातून पळाले होते. त्यावेळी आयजी एटीएस शमी यांना माहिती मिळाली होती की, हे लोक तुरुंगातून पळून सेंधवा आणि बडवानी सीमेवर पोहोचणार आहेत. त्यांनी ताबडतोब एटीएसची टीम तेथे रवाना केली, 23 आणि 24 डिसेंबर 2013 च्या मध्यरात्री एटीएसला त्यांची हालचाल मिळाली ज्यामध्ये खालिद अहमद, इरफान नागोरी आणि अबू फजल यांची चकमक झाली, त्यानंतर एटीएसने त्यांना अटक केली.
सोलापूर येथून एका दहशतवाद्याला अटक : अटक करण्यात आलेल्या दहशतवाद्यांनी चौकशीदरम्यान पोलिसांना सांगितले की, त्यांनी आपल्याकडे असलेली स्फोटके सादिक नावाच्या व्यक्तीला दिली होती. सादिक हा सोलापूरचा रहिवासी आहे. त्यानंतर एटीएसने पुढील कारवाई करत सोलापूर गाठल्यानंतर सादिकला अटक केली. हे स्फोटक उमर दंडोतीकडे असल्याचे सादिकने सांगितले आणि त्याला अटक करून चौकशी केली असता त्याच्याकडून जिलेटिनच्या काठ्या, टाईम बॉम्ब, पिस्तूलही जप्त करण्यात आले. यानंतर एटीएसने या प्रकरणी अन्य लोकांनाही अटक केली होती, या संपूर्ण प्रकरणात पोलिसांनी 9 जणांविरुद्ध चालान सादर केले होते. या चकमकीत काही आरोपींचा मृत्यू झाला होता. त्याशिवाय उर्वरित आरोपींना आज न्यायालयाने शिक्षा सुनावली आहे. शिक्षेची घोषणा झाल्यानंतर पोलिसांनी उमर आणि सादिक या दोन्ही दहशतवाद्यांना न्यायालयातून अटक केली. त्याचवेळी इम्रान नागोरी आणि अबू फजल आधीच तुरुंगात आहेत. वैद्यकीय तपासणीनंतर दोन्ही दहशतवाद्यांना मध्यवर्ती कारागृहात पाठवण्यात आले आहे.
सोलापूर शहरात भोपाल एटीएसची 2014 साली कारवाई झाली होती. यामध्ये 5 जणांना अटक करण्यात आली होती. खालिद मुच्छाले, सादिक लुंझे, उमेर दंडोती, इरफान मुच्छाले, इस्माईल माशाळकर या चौघांना अटक झाली होती. खंडवा जेलमधून पळून गेलेल्या दहशतवाद्यांना सोलापुरात आश्रय दिल्याचा आरोप यांच्यावर ठेवण्यात आला होता. यामधील खालिद मुच्छाले याचा जेल तोडून फरार होताना 31 ऑक्टोबर 2016 रोजी एनकाऊंटर करण्यात आले होते. सप्टेंबर 2021 मध्ये सादिक लुंझे, उमेर दंडोती, इरफान मुच्छाले, इस्माईल माशाळकर या चौघांची सर्वोच्च न्यायालयाच्या आदेशानुसार जामिनावर मुक्तता झाली होती. पण 16 सप्टेंबर 2022 रोजी या चौघांची भोपाळ कोर्टात सुनावणी होती. त्यावेळी हजर असलेल्या चौघांपैकी सादिक लुंझे व उमेर दंडोती या दोघांना भोपाळ NIA कोर्टाने आजन्म कारावासाची शिक्षा ठोठावली आली आहे. तर इरफान मुच्छाले व इस्माईल माशाळकर या दोघांची निर्दोष मुक्तता करण्यात आली आहे.
खंडवा जेलमधून सिमीचे सात संशयीत आरोपी फरार झाले होते - खंडवा जेलमध्ये सिमीचे एकूण 28 संशयीत आरोपी कैद होते. भारतीय लष्करातील जवानांवर हल्ला केल्याचा या 28 संशयितांवर आरोप होता. यामधील सात कैदी ऑक्टोबर 2013 साली खंडवा जेलमधील दोन सुरक्षा रक्षकांना ठार करून फरार झाले होते. यातील अबू फैसल या सिमीच्या संशयीत आरोपीला सोलापुरातील पाच जणांनी आश्रय दिला होता, असा आरोप त्यांच्यावर ठेवण्यात आला होता. भोपाळ एटीएस टीम तपास करत सोलापुरात आली आणि सोलापूर शहरातील पाच स्थानिक तरुणांना अटक करून भोपाल येथे घेऊन गेले होते.
