जमशेदपूर : झारखंडमधील जमशेदपूर येथे टाटा स्टील प्लांटची ( Tata Steel plant in Jamshedpur ) 110 मीटर उंच चिमणी रविवारी नियंत्रित स्फोटाने जमीनदोस्त (110 meter tall chimney at Tata Steel plant ) झाली. 27 वर्षे जुनी चिमणी पाडण्याचे काम दक्षिण आफ्रिकेच्या एडिफिस इंजिनिअरिंग इंडिया सपोर्टेड वायजे डिमॉलिशन कंपनीने केले होते, असे टाटा स्टीलचे उपाध्यक्ष अवनीश गुप्ता यांनी सांगितले.
11 सेकंदात जमीनदोस्त - कोक प्लांट क्रमांक 5 च्या बंद बॅटरची चिमणी सकाळी 11 वाजता 11 सेकंदात उद्ध्वस्त करण्यात आली. टाटा स्टीलच्या अधिकार्‍यांनी सांगितले की, पाडण्यापूर्वी लोकांना सुरक्षा पथकाने परिसरातून बाहेर काढले होते आणि कोणतीही अनुचित घटना टाळण्यासाठी सुरक्षा व्यवस्था करण्यात आली होती.
नवीन प्लांट उभारणार - गुप्ता पुढे म्हणाले की, चिमणी पाडणाऱ्या एडिफिस इंजिनिअरिंग इंडिया-समर्थित वायजे डिमॉलिशन कंपनीने नोएडामधील ट्विन टॉवर्स पाडण्याचे काम केले होते. जिल्हा प्रशासनाला या ऑपरेशनची आधीच माहिती देण्यात आली होती. पर्यावरणाच्या रक्षणासाठी कंपनी नवीन प्लांट उभारणार असल्याचेही त्यांनी सांगितले.
