കശ്മീരിന്‍റെ സംസ്ഥാനപദവി റദ്ദാക്കിയതിൽ പ്രതിഷേധിച്ച് ഡിവൈഎഫ്ഐ മാർച്ച്

മലപ്പുറം:  കശ്മീരിന്‍റെ  പ്രത്യേക പദവി എടുത്തു കളഞ്ഞതിൽ പ്രതിഷേധിച്ച് ഡിവൈഎഫ്ഐ തേഞ്ഞിപ്പലം പോസ്റ്റ് ഓഫിസിലേക്ക് മാർച്ച് നടത്തി.   സംസ്ഥാന സെക്രട്ടറി എ. എ റഹീം മാർച്ച് ഉദ്ഘാടനം ചെയ്തു. രാജ്യത്തിന്‍റെ  ഫെഡറലിസം തകർക്കാനും ഭരണഘടന അട്ടിമറിക്കാനുമുള്ള ശ്രമങ്ങളെ ഇടതുയുവജന സംഘടനകൾച്ചേർന്ന്  ശക്തമായി നേരിടുമെന്ന് എ .എ റഹീം പറഞ്ഞു. നേതാക്കൾ ജെയ്ക് സി തോമസ്, ഗ്രീഷ്മ അജയഘോഷ്, യു എ ജനീഷ് കുമാർ, കെ പ്രേംകുമാർ പി കെ മുബഷിർ, കെ ശ്യാംകുമാർ തുടങ്ങിയവർ നേതൃത്വം നൽകി.