നദിയിൽ വീണ് പായലില്‍ കുടുങ്ങി, രക്ഷിക്കാൻ ശ്രമിക്കുന്നതിനിടെ ഒഴുക്കിൽപ്പെട്ട് യുവാവ് ; നടുക്കുന്ന വീഡിയോ

ചന്ദ്രപൂർ : നിറഞ്ഞൊഴുകിയ തടയണയിൽ നിന്ന് നദിയിലേക്ക് വീണയാളെ രക്ഷിക്കാൻ ശ്രമിക്കുന്നതിനിടെ യുവാവ് ഒഴുക്കിൽപ്പെട്ടു. മഹാരാഷ്‌ട്രയിലെ ചന്ദ്രപൂർ ജില്ലയിലെ ജുനാന തടാകത്തിന്‍റെ തടയണയിൽ നിന്ന് വെള്ളത്തിലേക്ക് വീണ യുവാവിനെയാണ് ശക്‌തമായ ഒഴുക്കിൽപെട്ട് കാണാതായത്. ആദ്യം നദിയിലേക്ക് വീണയാളെ രക്ഷിക്കാൻ ശ്രമിക്കുന്നതിനിടെയാണ് യുവാവ് കാൽ വഴുതി വെള്ളത്തിലേക്ക് വീണത്. പിന്നാലെ മറ്റൊരു യുവാവ് വെള്ളത്തിലേക്ക് എടുത്ത് ചാടിയെങ്കിലും ഇയാളെ കണ്ടെത്താൻ സാധിച്ചില്ല. യുവാവിനായുള്ള തെരച്ചിൽ തുടരുകയാണ്.