ഭൂപ്രശ്‌നം, ഇടുക്കിയില്‍ വിഴിഞ്ഞം മോഡൽ സമരം സംഘടിപ്പിക്കുമെന്ന് കോൺഗ്രസ്

ഇടുക്കി ജില്ലയിലെ ഭൂപ്രശ്‌നങ്ങളിൽ കോൺഗ്രസ് നേതൃത്വത്തിൽ വിഴിഞ്ഞം മോഡൽ സമരം സംഘടിപ്പിക്കുമെന്നും, സർക്കാർ വൻ പ്രത്യാഘാതം നേരിടേണ്ടി വരുമെന്നും ഡിസിസി അധ്യക്ഷൻ സിപി മാത്യു. ഭൂപ്രശ്‌നങ്ങളിൽ സംസ്ഥാന സർക്കാർ ജില്ലയിലെ ജനങ്ങളോട് ചിറ്റമ്മ നയമാണ് സ്വീകരിക്കുന്നത്. വിഴിഞ്ഞം മോഡൽ സമരം ആരംഭിച്ചു കഴിഞ്ഞാൽ പിന്നീട് ഉണ്ടാകുന്ന ബുദ്ധിമുട്ടുകൾക്ക് ഗവൺമെന്‍റ് മാത്രമായിരിക്കും ഉത്തരവാദിയെന്നും സിപി മാത്യു കരുണാപുരത്ത് മാധ്യമങ്ങളോട് പറഞ്ഞു.