സ്ഥലപരിമിതി; മരത്തില്‍ ക്വാറന്‍റൈന്‍ സൗകര്യമൊരുക്കി വിദ്യാര്‍ഥി

ഹൈദരാബാദ്: വീട്ടിലെ സ്ഥലപരമിതി മൂലം കൊവിഡ് സ്ഥിരീകരിച്ച ബി.ടെക് വിദ്യാര്‍ഥി ക്വാറന്‍റൈന്‍ ഇരിക്കുന്നത് വീടിനോട് ചേര്‍ന്നുള്ള മരത്തിന് മുകളില്‍ ഒരുക്കിയ ഏറുമാടത്തില്‍. തെലങ്കാനയിലെ നല്‍ഗൊണ്ട ജില്ലയിലെ കൊത്ത നന്ദികൊണ്ട സ്വദേശി രാമവത് ശിവയാണ് ഒറ്റമുറി വീട്ടില്‍ ക്വാറന്‍റൈന്‍ ഇരിക്കാന്‍ സൗകര്യമില്ലാത്തതിനാല്‍ മരത്തിന് മുകളിലേക്ക് താമസം മാറ്റിയത്. ഭക്ഷണവും വെള്ളവും കയറില്‍ കെട്ടിയാണ് മാതാപിതാക്കള്‍ ശിവയുടെ ഏറുമാടത്തിലേക്ക് എത്തിക്കുന്നത്.