വീടിന്‍റെ ഭിത്തി പൊളിച്ച് കൊമ്പന്‍, അടുക്കളയില്‍ നിന്ന് ഭക്ഷണം കവര്‍ന്നു ; വീഡിയോ

നീലഗിരിയിലെ മസിനഗുഡിയിൽ വീടിന്‍റെ ചുമര്‍ തകര്‍ത്ത് കാട്ടുകൊമ്പന്‍ ഭക്ഷണം കവര്‍ന്നു. ഞായറാഴ്ച നടന്ന സംഭവത്തിന്‍റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. ചുവരിന്‍റെ ഒരു ഭാഗം തകര്‍ത്ത് ആന തുമ്പിക്കൈ നീട്ടി ഭക്ഷണസാധനങ്ങൾ എടുക്കുകയായിരുന്നു. വീടിനകത്തും പുറത്തുമുള്ള സിസിടിവി ക്യാമറകളിൽ ദൃശ്യങ്ങള്‍ പതിഞ്ഞിട്ടുണ്ട്. മുമ്പ് ചില തോട്ടങ്ങളിൽ വാഴ, തെങ്ങ്, മാവ് എന്നിവയും ആനകള്‍ നശിപ്പിച്ചിട്ടുണ്ട്.