തെരുവ് നായകളെ ചാക്കിൽ കെട്ടി ഉപേക്ഷിച്ചു; രക്ഷകരായി അസം പൊലീസ്

ഗോലാഘട്ട് (അസം): വഴിയരികിൽ ചാക്കിൽ കെട്ടി ഉപേക്ഷിച്ച തെരുവ് നായകളെ അസം പൊലീസ് രക്ഷപ്പെടുത്തി. ഇന്നലെ (16-9-2022) അസമിലെ ഗോലാഘട്ടിലാണ് സംഭവം. 31 തെരുവ് നായകളെയാണ് വഴിയരികിൽ ചാക്കിൽ കെട്ടിയിട്ട നിലയിൽ കണ്ടെത്തിയത്. നായകളുടെ കാലും വായും കെട്ടി ചാക്കിൽ കുത്തിനിറച്ച രീതിയിലായിരുന്നു. നായകളെ കടത്തുന്ന സംഘം ഉപേക്ഷിച്ചതാകാനാണ് സാധ്യതയെന്നും സംഭവത്തിൽ വിശദമായ അന്വേഷണം നടത്തുമെന്നും അസം പൊലീസ് അറിയിച്ചു.