പ്രയാഗ്‌രാജ് (ഉത്തര്‍പ്രദേശ്): സുഹൃത്തുക്കളുടെ നിര്‍ദേശത്തെ തുടര്‍ന്ന് വയാഗ്ര കഴിച്ച യുവാവിന് ഒടുവില്‍ അതിന്റെ പാര്‍ശ്വ ഫലങ്ങളില്‍ നിന്നും മുക്തി നേടാന്‍ ആശുപത്രിയില്‍ അഭയം തേടേണ്ടി വന്നു. വിവാഹത്തിന് പിന്നാലെ ലൈംഗിക ഉത്തേജനത്തിനായി സുഹൃത്തുക്കളുടെ നിര്‍ദേശപ്രകാരം വലിയ അളവിലാണ് ഉത്തര്‍പ്രദേശിലെ പ്രയാഗ്‌രാജിലുള്ള നവവരന്‍ വയാഗ്ര മരുന്ന് കഴിച്ചത്. രണ്ട് ശസ്‌ത്രക്രിയകള്‍ക്ക് ശേഷമാണ് അദ്ദേഹത്തെ ഡോക്‌ടര്‍മാര്‍ ജീവിതത്തിലേക്ക് മടക്കികൊണ്ട് വന്നത്.
പൗരുഷം വർധിപ്പിക്കുന്ന മരുന്നുകളുടെ ഉപയോഗം നമ്മുടെ നാട്ടിൽ മാത്രമല്ല വിദേശത്തും സാധാരണമാണ്. ലോകമെമ്പാടുമുള്ള 40-60 വയസിനിടയിലുള്ള 52% ആളുകളും ലൈംഗിക സംബന്ധമായ പ്രശ്‌നങ്ങൾ നേരിടുന്നുണ്ട് എന്നാണ് പഠനങ്ങള്‍ പറയുന്നത്. ഈ സാഹചര്യത്തിലാണ് പലരും വിദഗ്ധ ഉപദേശമില്ലാതെ ഇത്തരം മരുന്നുകൾ ഉപയോഗിക്കുകയും അതിന്റെ പാര്‍ശ്വഫലങ്ങള്‍ അനുഭവിക്കുകയും ചെയ്യുന്നത്.
ഇന്ന് പലരും പുരുഷത്വം വര്‍ധിപ്പിക്കാന്‍ 'വയാഗ്ര' പോലുള്ള ഉത്തേജന മരുന്നുകള്‍ ഉപയോഗിക്കാറുണ്ട്. പലരും വിദഗ്‌ധരില്‍ നിന്നും വേണ്ട നിര്‍ദേശങ്ങള്‍ സ്വീകരിക്കാതെയാകും ഇത്തരം മരുന്നുകള്‍ ഉപയോഗിക്കുന്നത്. ഇവയുടെ അമിതമായ ഉപയോഗം മൂലം മരണം വരെ സംഭവിച്ചേക്കാം. ഇത്തരത്തില്‍ ആര്‍ക്ക് വേണമെങ്കിലും സ്വന്തം ഇഷ്‌ടപ്രകാരം കഴിക്കാന്‍ സാധിക്കാത്ത വയാഗ്രയെ കുറിച്ച് വിദഗ്‌ദര്‍ പറയുന്നത് പരിശോധിക്കാം.
വയാഗ്ര മരുന്നുകള്‍ എന്താണ്: പുരുഷന്മാര്‍ ലൈംഗിക ഉത്തേജനത്തിനായി ഉപയോഗിക്കുന്ന മരുന്നകളെയാണ് പൊതുവെ വയാഗ്ര എന്ന് അറിയപ്പെടുന്നത്. നിലവില്‍ ഇത്തരം മരുന്നുകള്‍ പല പേരിലും, ബ്രാന്‍ഡിലും ലഭ്യമാണ്. പല മെഡിക്കല്‍ സ്‌റ്റോറുകളിലും ഇത്തരം മരുന്നുകള്‍ ഇന്ന് ലഭ്യമാണ്.
ആർക്കൊക്കെ ഈ മരുന്ന് കഴിക്കാം: സാധാരണയായി 40 വയസിന് മുകളില്‍ പ്രായമായ ആളുകള്‍ക്കാണ് ഈ മരുന്ന് ആവശ്യം. എന്നാൽ ചില സാഹചര്യങ്ങളില്‍ യുവാക്കളും ഇത്തരം മരുന്നുകള്‍ തെരഞ്ഞെടുത്തേക്കാം. ഡോക്‌ടറുടെ ഉപദേശം കൂടാതെ ഇത് കഴിക്കുന്നത് അപകടകരമാണ്.
മാനസിക സമ്മർദം മൂലം യുവാക്കളിൽ ലൈംഗിക പ്രശ്‌നങ്ങൾ ഉൾപ്പെടെ നിരവധി പ്രശ്‌നങ്ങൾ ഉയർന്നു വരുന്നുണ്ടെന്ന് ഡോക്‌ടര്‍മാർ പറയുന്നു. പലപ്പോഴും യുവാക്കൾ തങ്ങളുടെ പങ്കാളിയുമൊത്ത് ലൈംഗികബന്ധത്തില്‍ ഏര്‍പ്പെടുന്നതിന് വേണ്ടിയാണ് വയാഗ്ര ഉപയോഗിക്കുന്നത്. ഇതിന്‍റെ ഉപയോഗം ഗുരുതരമായ പ്രത്യാഘാതങ്ങളിലേക്കായിരിക്കും അവരെ കൊണ്ടെത്തിക്കുക. വൈദ്യ ഉപദേശം കൂടാതെ വയാഗ്ര പോലുള്ള മരുന്നുകൾ കഴിക്കുന്നത് ഹൃദയാഘാതം, വൃക്ക തകരാർ, ബലഹീനത, ജനനേന്ദ്രിയ തകരാറുകൾ എന്നിവയ്ക്ക് കാരണമാകുമെന്ന് പ്രയാഗ്‌രാജ് സ്വരൂപ് റാണി മെഡിക്കൽ കോളജ് അസിസ്റ്റന്റ് പ്രൊഫസർ ഷിരിഷ് മിശ്ര ഇടിവി ഭാരതിനോട് പറഞ്ഞു.
ഡോക്‌ടര്‍ ശിരീഷ് മിശ്രയുടെ ഉപദേശം: ഡോക്‌ടറുടെ ഉപദേശം കൂടാതെ ഇത്തരം മരുന്നുകൾ കഴിക്കരുത്. മരുന്നുകളുടെ ഉപഭോഗം സംബന്ധിച്ച് യുവാക്കൾ പ്രത്യേക മുൻകരുതലുകൾ എടുക്കണം. ശരീരത്തിന് ദേഷം ചെയ്യുന്ന ഇത്തരം മരുന്നുകള്‍ ഉപയോഗിക്കരുത്.
ജാഗ്രത ആവശ്യമാണ്: അശ്ലീല വീഡിയോ കാണുന്നവരാണ് നിങ്ങളെങ്കില്‍ അവയില്‍ നിന്നും അകന്ന് നില്‍ക്കാന്‍ ശ്രമിക്കുക. അത്തരം വീഡിയോകള്‍ മാനസികമായും, ശരീരികമായും പല പ്രശ്‌നങ്ങള്‍ ഉണ്ടാകുന്നതിനും കാരണമാകും. ഇവയുടെ ഉപയോഗത്തില്‍ നിന്ന് മുക്തിനേടാന്‍ കഴിയാത്ത സാഹചര്യാമാണുള്ളതെങ്കില്‍ വിദഗ്‌ധരുടെ ഉപദേശം തേടാം.
