ഹൈദരാബാദ്: ഇന്ന്(നവംബര്‍ 2) ലോക ഫെര്‍ടിലിറ്റി ദിനം. ലോകമെമ്പാടുമുള്ള ആളുകളെ ഫെര്‍ടിലിറ്റി അല്ലെങ്കില്‍ ഇന്‍ഫെര്‍ടിലിറ്റിയെക്കുറിച്ച് ബോധവത്‌കരണം നല്‍കുക പ്രശ്‌നങ്ങള്‍ നേരിടുന്നവരെ ചികിത്സയ്‌ക്കായി പ്രാപ്‌തരാക്കുക എന്നിവയാണ് ഫെര്‍ടിലിറ്റി ദിനം ആചരിക്കുന്നതിന്‍റെ പ്രധാന ലക്ഷ്യം. ജന്മം നല്‍കുവാനുള്ള ശേഷി ഇല്ല എന്നതാണ് ലോകമെമ്പാടുമുള്ള ഭൂരിഭാഗം ദമ്പതികളും നേരിടുന്ന ഗുരുതര പ്രശ്‌നം.
യുഎസിലുള്ള ദമ്പതികളില്‍ പത്തില്‍ എട്ട് പേര്‍ക്ക് ഗര്‍ഭം ധരിക്കാന്‍ സാധ്യമല്ല. എന്നാല്‍, ഇന്ത്യയില്‍ ഇത് പത്തില്‍ ആറാണ്. കൂടുതല്‍ ആളുകളും നഗരത്തില്‍ താമസിക്കുന്നവരാണെന്ന് കണക്കുകള്‍ പറയുന്നു.
ശാരീരികമായും മാനസികമായും അനുഭവപ്പെടുന്ന പ്രശ്‌നങ്ങള്‍, ജീവിതരീതി തുടങ്ങിയ നിരവധി പ്രശ്‌നങ്ങളാണ് ഫെര്‍ടിലിറ്റിയെ ബാധിക്കുന്നത്. ഫെര്‍ടിലിറ്റിയെക്കുറിച്ചുള്ള തെറ്റിധാരണകള്‍ ഇല്ലാതാക്കുക, പ്രശ്‌നങ്ങള്‍ തിരിച്ചറിയുക, ചികിത്സയ്‌ക്ക് വിധേയമാക്കുക തുടങ്ങിയ നിരവധി പ്രവര്‍ത്തനങ്ങളാണ് ഈ ദിനത്തോടനുബന്ധിച്ച് പ്രവര്‍ത്തിക്കുന്നത്.
ലോക ഫെര്‍ടിലിറ്റി ദിനത്തിന്‍റെ പ്രാധാന്യം: 2018 നവംബര്‍ രണ്ടിന് ഐവിഎഫ് ബബിള്‍ എന്ന ഓണ്‍ലൈന്‍ കൂട്ടായ്‌മയാണ് ലോക ഇന്‍ഫെര്‍ടിലിറ്റി ദിനം ആചരിക്കാന്‍ ആരംഭിച്ചത്. പ്രത്യുല്‍പാദനത്തിനായി ഐവിഎഫ് സാങ്കേതിക വിദ്യയുടെ സഹായം സ്വീകരിച്ച സാറ, ട്രാസി എന്ന രണ്ട് വ്യക്തികള്‍ ചേര്‍ന്നാണ് ഈ കൂട്ടായ്‌മ ആരംഭിച്ചത്. ഫെര്‍ടിലിറ്റിയെ സംബന്ധിച്ച ഗുരുതര പ്രശ്‌നങ്ങള്‍ നേരിടുന്നവര്‍ക്ക് എതു വിധേയനയും സഹായം നല്‍കുക എന്ന ലക്ഷ്യത്തോടെയാണ് കൂട്ടായ്‌മ ആരംഭിച്ചത്. ഒരു വ്യക്തി നേരിടുന്ന പ്രശ്‌നങ്ങളെക്കുറിച്ചും കടന്നുപോകുന്ന പ്രയാസമേറിയ കാലഘട്ടത്തെക്കുറിച്ചും ചികിത്സയിലൂടെ ലഭിക്കുന്ന ഗുണത്തെക്കുറിച്ചും മറ്റുള്ളവരുമായി പങ്കുവയ്‌ക്കുവാനുളള അവസരവും ഇവിടെ ലഭിക്കുന്നു.
വര്‍ഷത്തില്‍ ഒരിക്കല്‍ ലോകമെമ്പാടുമുള്ള ആളുകള്‍ക്ക് ഫെര്‍ടിലിറ്റിയെ സംബന്ധിച്ച പ്രശ്‌നങ്ങള്‍ പങ്കുവയ്‌ക്കാന്‍ ഒരു അവസരം ലഭിക്കുന്നു. മാത്രമല്ല, ഫെര്‍ടിലിറ്റിയെ സംബന്ധിച്ച ചര്‍ച്ചകളും കാമ്പയിനുകളും സംഘടിപ്പിക്കുന്നു. നിരന്തരവും സുരക്ഷിതവുമല്ലാത്ത ബന്ധപ്പെടലിന് ശേഷം 12 മാസത്തില്‍ ഗര്‍ഭധാരണം സാധ്യമാകാത്തതാണ് ഇന്‍ഫെര്‍ടിലിറ്റിയെന്ന് ഇന്‍റർനാഷണൽ കമ്മിറ്റി ഫോർ മോണിറ്ററിംഗ് അസിസ്റ്റഡ് റീപ്രൊഡക്റ്റീവ് ടെക്നോളജി പറയുന്നു.
1990നും 2004നും ഇടയില്‍ ലോകാരോഗ്യ സംഘടനയുമായി ചേര്‍ന്ന് നടത്തിയ ഡെമോഗ്രാഫിക്ക് & ഹെല്‍ത്ത് സര്‍വെയില്‍ വികസിത രാജ്യങ്ങളിലുള്ള നാലില്‍ ഒരു ദമ്പതികള്‍ക്ക് ഫെര്‍ടിലിറ്റി പ്രശ്‌നങ്ങളുണ്ടെന്ന് പറയുന്നു. ലോകമെമ്പാടും അല്ലെങ്കില്‍ രാജ്യം മുഴുവനും ഫെര്‍ടിലിറ്റി പ്രശ്‌നങ്ങള്‍ അതിവേഗം ഉയരുകയാണ് എന്നതും പ്രധാന ആശങ്കയാണ്. ഒരു വ്യക്തിയുടെ ശാരീരിക, മാനസിക പ്രശ്‌നങ്ങള്‍ മാത്രമല്ല കുടുംബപരവും സാമൂഹികവുമായ ചുറ്റുപാടിനെയും ബാധിക്കുന്ന പ്രശ്‌നമായി ഫെര്‍ടിലിറ്റി മാറിക്കഴിഞ്ഞു.
ലോകം മുഴുവനുമുള്ള കണക്കുകള്‍ പരിശോധിക്കുകയാണെങ്കില്‍ 186 ദശലക്ഷം ആളുകളെയാണ് ഫെര്‍ടിലിറ്റിയുടെ പ്രശ്‌നങ്ങള്‍ ബാധിച്ചിരിക്കുന്നത്. ഇന്ത്യയിലെ ജനസംഖ്യയുടെ 14ല്‍ 10 ശതമാനം ആളുകള്‍ക്കും ഇത്തരം പ്രശ്‌നങ്ങളുണ്ടെന്ന് ഇന്ത്യന്‍ അസോസിയേഷന്‍ ഓഫ് അസിസ്റ്റഡ് റിപ്രൊഡക്ഷന്‍റെ കണക്കുകള്‍ സൂചിപ്പിക്കുന്നു. മാത്രമല്ല ഇന്ത്യ ഉള്‍പ്പെടെ നിരവധി രാജ്യങ്ങളില്‍ ഫെര്‍ടിലിറ്റി നിരക്ക് അതിവേഗത്തില്‍ കുറഞ്ഞിരിക്കുകയാണ്.
ഫെര്‍ടിലിറ്റിയും സമൂഹവും: നമ്മുടെ സമൂഹത്തില്‍ ഒരു വ്യക്തിയെ അല്ലെങ്കില്‍ ദമ്പതികളെ സംബന്ധിച്ചിടത്തോളം കുഞ്ഞിന് ജന്മം നല്‍കുക എന്നത് വളരെ പ്രധാനപ്പെട്ട കാര്യമാണ്. ഇതിന് പ്രാപ്‌തരല്ലാത്തവര്‍ കുടുംബാംഗങ്ങളുടെയും സമൂഹത്തിന്‍റെയും നിരവധി ചോദ്യങ്ങള്‍ക്ക് മറുപടി പറയേണ്ടി വരും. ഫെര്‍ടിലിറ്റി സംബന്ധിച്ച പ്രശ്‌നങ്ങളുണ്ടാകുമ്പോള്‍ അതിന്‍റെ ഉത്തരവാദിത്തം വഹിക്കേണ്ടി വരുന്നത് സ്‌ത്രീകള്‍ക്കാണ്.
മറുവശത്ത് പുരുഷന്‍മാരാണ് പ്രശ്‌നങ്ങള്‍ നേരിടുന്നതെങ്കില്‍ അവരുടെ പുരുഷത്വത്തെ തന്നെ ചോദ്യം ചെയ്യപ്പെട്ടേക്കാം. എന്നാല്‍, സ്‌ത്രീകളെ സംബന്ധിച്ചിടത്തോളം വന്ധ്യത എന്നത് ഒരു ആക്ഷേപ വാക്കാണ്. ഇന്നത്തെ കാലഘട്ടത്തില്‍ ഇന്ത്യയില്‍ മാത്രമല്ല ഒട്ടുമിക്ക രാജ്യങ്ങളിലും ഫെര്‍ടിലിറ്റി എന്നത് ഒരു സാമൂഹിക വിപത്തായാണ് കണക്കാക്കുന്നത്.
നിരവധി തെറ്റിധാരണകളും ഭയവും ഇതിനെ സംബന്ധിച്ച് നിലനില്‍ക്കുന്നുണ്ട്. അതിനാല്‍ തന്നെ ഒരു ഡോക്‌ടറെ കണ്ട് ചികിത്സ തേടാനോ കുടുംബാംഗങ്ങളുമായി പ്രശ്‌നങ്ങള്‍ പങ്കുവയ്‌ക്കാനോ ഒട്ടുമിക്ക ആളുകളും തയ്യാറാകുന്നില്ല. ഇതിന് പുറമെ ചികിത്സയ്‌ക്കുള്ള ഉയര്‍ന്ന ചെലവ് വേദന എന്നിവ കണക്കിലെടുത്ത് മറ്റൊരു വിഭാഗം ആളുകളും ചികിത്സ നിഷേധിക്കുന്നു.
സ്‌ത്രീക്കും പുരുഷനും ഇടയില്‍ ഇന്‍ഫെര്‍ടിലിറ്റിയ്‌ക്ക് കാരണമായ നിരവധി ഘടകങ്ങളുണ്ട്. ദമ്പതികള്‍ രണ്ടുപേരും ആരോഗ്യവാന്‍മാരാണെങ്കില്‍ പോലും ഗര്‍ഭം ധരിക്കുന്നതില്‍ നിരവധി പ്രശ്‌നങ്ങള്‍ നേരിടേണ്ടി വരുന്നു. ഈ അവസരത്തില്‍ ശാരീരികമായ പരിശോധനയ്‌ക്ക് ശേഷം ഇരുവരും ആവശ്യമായ ചികിത്സ തേടണം.
മികച്ച ഗുണമുള്ള അണ്ഡത്തിന്‍റെ ഉത്‌പാദനത്തിനുതകുന്ന ഉത്തേജനം, പുരുഷമാരില്‍ ആരോഗ്യപരമായ ബീജോല്‍പാദനം, ഹൊര്‍മോണ്‍ ഇന്‍ജക്‌ഷന്‍ തുടങ്ങിയവ ഗര്‍ഭധാരണത്തിന് സഹായകമാകുന്നു. എന്നാല്‍ ഇവയൊക്കെയും ഗര്‍ഭധാരണത്തിന് സഹായകമായില്ല എങ്കില്‍ ഡോക്‌ടര്‍മാര്‍, ഇന്‍വിര്‍ട്ടോ ഫെര്‍ടിലൈസേഷന്‍, ഇന്‍ട്രൗറ്റേറിന്‍ ഇന്‍സെമിനേഷന്‍ തുടങ്ങിയ സാങ്കേതിക വിദ്യ ഉപയോഗിച്ചുള്ള ചികിത്സ മാര്‍ഗങ്ങള്‍ നിര്‍ദേശിക്കുന്നു.
ആഗോള തലത്തില്‍ തന്നെ ഫെര്‍ടിലിറ്റിയെക്കുറിച്ച് സംസാരിക്കുവാന്‍ അവസരം ലഭിക്കുമ്പോള്‍ ഇതിനെ സംബന്ധിച്ച തെറ്റിധാരണകളും ഭയവും അകറ്റാന്‍ സാധിക്കും. മാത്രമല്ല ഇത്തരം പ്രശ്‌നത്തെക്കുറിച്ച് മറ്റുള്ളവരുമായി പങ്കുവയ്‌ക്കുകയും ചെയ്യുന്നത് വഴി ചികിത്സയുടെ പ്രാധാന്യത്തെക്കുറിച്ച് മനസിലാക്കുവാനും സാധിക്കുന്നു.
