വയനാട് : കെ-റെയിലുമായി (K Rail - Silver Line Project) ബന്ധപെട്ട് മുഖ്യമന്ത്രി സംശയങ്ങൾ ദൂരീകരിക്കട്ടെയെന്ന് പ്രതിപക്ഷനേതാവ് വി.ഡി.സതീശൻ. കെ-റെയിലിന് നിരവധി ബദൽ മാർഗങ്ങൾ യു.ഡി.എഫിനുണ്ട്. അത് വ്യക്തമാക്കി നൽകാമെന്ന് വി.ഡി സതീശൻ വയനാട്ടിൽ പറഞ്ഞു.
നടപടികൾ ഇതുവരെ മരവിപ്പിച്ചിട്ടില്ല. ഒരു ദിവസം തുടർച്ചയായി മഴ പെയ്താൽ വെള്ളം പൊങ്ങുന്ന സംസ്ഥാനമാണ് കേരളം. സംസ്ഥാനത്തെ ഇടതുപക്ഷ സർക്കാർ അഭിമാന പദ്ധതിയായി ഉയർത്തി കാട്ടുന്ന കെ റെയിൽ പുതിയൊരു ഡാമായി മാറും.
കെ-റെയില്‍; മുഖ്യമന്ത്രി സംശയങ്ങൾ ദൂരീകരിക്കട്ടെ എന്ന് വി.ഡി.സതീശൻ
30 അടി ഉയരത്തിൽ 300 കിലോമീറ്റർ ദൂരത്തിൽ നിർമാണ പ്രവർത്തികൾ നടക്കുമ്പോൾ പലയിടത്തും അത് പരിസ്ഥിതിക്ക് ആഘാതമാകും. അത് തന്നെ ഒരു കോട്ടയായി മാറും. ഹൈക്കമാൻഡ് അനുമതിയോടെയാണ് കെ.പി.സി.സി പുനസംഘടനയെന്നും അദ്ദേഹം കൂട്ടിച്ചേര്‍ത്തു.
